Deputeti i Aleancës, Besnik Tahiri, deklaroi se deri tani nuk kanë marrë asnjë njoftim për thirrjen e një seance apo për zhvillimin e takimeve të reja.
None found
Ai kërkoi që deputetët të mblidhen sa më shpejt për ta votuar në lexim të dytë Ligjin për Dhomat e Specializuara.
Sipas Tahirit, të hënën, në ditën e fundit për zgjedhjen e presidentit, deputetët qëndruan në sallë me bindjen se pas përfundimit të pikave të rendit të ditës do të votohej edhe ky ligj.
Tahiri tha se deputetët kishin miratuar 22 pika duke u bazuar në mirëbesimin se ligji do të shqyrtohej në fund, ndërsa më pas u njoftuan se seanca nuk do të vazhdonte. Ai theksoi se katër personat që ndodhen në Dhomat e Specializuara presin që institucionet e Kosovës t’u japin mbështetje në një situatë të vështirë, ndaj, sipas tij, votimi është i domosdoshëm.
Deputeti i Aleancës shtoi se nuk është thirrur ende seanca dhe se nuk kanë informacione as për ndonjë takim të planifikuar. Ai sqaroi se Aleanca nuk merr pjesë në takime, pasi ka vendosur të qëndrojë jashtë pikave të caktuara, ndërsa tha se nuk sheh ndonjë përpjekje për arritjen e një marrëveshjeje.
Ndërkohë, Tahiri bëri të ditur se AAK-ja dhe PDK-ja nuk i kanë 40 nënshkrimet e nevojshme për ta thirrur seancën dhe për t’i detyruar deputetët të marrin pjesë në diskutim. Sipas tij, këto dy parti kanë vetëm 30 nënshkrime.
Ai tha se zotimi i një dite më parë ishte që seanca, e cila kishte 22 pika, të përmbante vetëm një pikë, atë të Ligjit për Dhomat e Specializuara. Tahiri shpjegoi se Aleanca, por edhe PDK-ja në raste të caktuara, votuan disa ligje me bindjen se do të përfundonin të gjitha 22 pikat dhe më pas ligji do të kalonte në lexim të dytë.
Tahiri theksoi se kjo ishte arsyeja pse deputetët e tij qëndruan në seancë për 21 pikat e tjera, përveç marrëveshjeve ndërkombëtare. Ai shtoi se, në të kundërt, nuk do të kishin qëndruar për t’i siguruar kuorumin qeverisë, duke argumentuar se nëse qeveria dëshiron të qeverisë, duhet ta sigurojë vetë kuorumin.
Kryeministri Edi Rama ka reaguar ndaj debatit të krijuar në Maqedoninë e Veriut pas deklaratave të tij për përfshirjen e…
Xhudistët e rinj të Kosovës Kupën Evropiane për kadetë, kanë arritur të sigurojnë tri medalje tw bronzta në garën që…
Liria e Prizrenit po zhvillon një paraqitje fantastike ndaj KF Rilindjes 1974.Skuadra e Ismet Munishit është në epërsi prej 2-0,…
Policia e Tiranës ka vendosur 338 gjoba, nga momenti i hyrjes në fuqi të Aktit Normativ që parashikon masa ndëshkuese…
NATO do të mbajë të hënën, më 23 nëntor, një takim në Bruksel për të diskutuar incidentin e rëndë ajror…
Qyteti i Korçës i kushtoi një vëmendje të veçantë 22 Nëntorit, ditës vendimtare të Kongresit të Manastirit, ku u njësua…