Rrahmani: Pushteti do të përdorë çdo mënyrë për të zgjatur qëndrimin në institucione

Deputeti i Partisë Demokratike të Kosovës, Eman Rrahmani, ka hedhur akuza ndaj Lëvizjes Vetëvendosje dhe kryetarit të saj, Albin Kurti, duke thënë se po synohet rikthimi i autoritarizmit dhe grumbullimi i kontrollit institucional në duart e një personi të vetëm.

Rrahmani, ish-deputet dhe ish-pjesëtar i LVV-së, i bëri këto deklarata para rifillimit të seancës konstituive të Kuvendit të Kosovës, ku pritej të votohej për zgjedhjen e nënkryetarëve të këtij institucioni.

Sipas tij, bllokada aktuale u shërben pushtetarëve që, siç u shpreh, kanë uzurpuar institucionet. Ai paralajmëroi se do të provohen mënyra të ndryshme për ta zgjatur jetëgjatësinë e këtij pushteti.

“Me kthy në vendin tonë autoritarizmin me u kontrollua gjithçka prej një njeriu.

Kjo situatë i konvenon dikujt që i ka uzurpuar institucionet ndaj do të provoj çdo mënyrë me i zgjate jetën këtij lloj pushteti të dhunshëm të gjitha institucioneve që i ka uzurpua. Ky ngërç dilet vetëm kur të bëhemi bashkë me popullin”, tha ai.