Categories: kosovë

Rasti “12” ndaj Thaçit: Prokuroria kërkon që paraburgimi të mos zbritet nga dënimi dhe kërkon gjashtë vjet burgim shtesë

Prokuroria e Specializuar e Hagës ka kërkuar një dënim më të rëndë për ish-Presidentin e Kosovës, Hashim Thaçi, në çështjen “12”, e cila lidhet me pengimin e drejtësisë. Në parashtresën përfundimtare, ZPS ka kërkuar që periudha e kaluar prej tij në paraburgim të mos llogaritet në këtë rast.

Të lidhura

None found

Sipas argumentimit të Prokurorisë, koha e qëndrimit në paraburgim mund t’i zbritet Thaçit vetëm në çështjen “06”, ku ai është dënuar me 25 vjet heqje lirie.

ZPS i është referuar Rregullës 163(6), e cila u garanton të akuzuarve të drejtën që koha e kaluar në paraburgim para shpalljes së dënimit t’u llogaritet. Megjithatë, Prokuroria ka theksuar se Thaçi aktualisht ndodhet në paraburgim mbi bazën e dy fletarrestimeve të veçanta: që nga nëntori 2020 në Çështjen 6; 1463 dhe që nga nëntori 2024 në procedurën aktuale.

Prokuroria ka vlerësuar se situata të tilla janë hasur edhe para tribunaleve të tjera, kur një person akuzohet veçmas për pengimin e procedurave themelore që zhvillohen ndaj tij.

Duke iu referuar vendimit të Dhomës së Apelit në çështjen Bemba et al., ZPS ka argumentuar se, kur një i akuzuar qëndron në paraburgim për shkak të fletarrestimeve të lëshuara në çështje të ndryshme, kjo periudhë mund të merret parasysh vetëm një herë.

Sipas Prokurorisë, një qasje e tillë është e nevojshme për të garantuar efektin parandalues të dënimit. Në të kundërt, një i akuzuar mund të mos pengohej nga kryerja e veprimeve të tilla nëse do të dinte se koha e kaluar në paraburgim do t’i zbritej nga dënimi si në çështjen kryesore, ashtu edhe në procedurën për pengim të drejtësisë.

Për këtë arsye, ZPS ka kërkuar që çdo llogaritje e kohës së kaluar në paraburgim nga Thaçi të bëhet vetëm në kuadër të dënimit të tij në Çështjen 6, pasi gjatë gjithë këtyre procedurave ai ka qenë i ndaluar edhe për akuzat e kësaj çështjeje.

Në çështjen “12”, Prokuroria e Specializuar ka kërkuar gjashtë vjet burgim për Hashim Thaçin. Nëse kërkesa për të mos ia llogaritur paraburgimin pranohet dhe i shtohet dënimit prej 25 vjetësh në çështjen “06”, dënimi i përgjithshëm ndaj tij në Speciale do të arrinte në 31 vjet burgim.

Për të akuzuarit e tjerë, Prokuroria ka kërkuar nga tre vjet burgim për Bashkim Smakajn, Isni Kilajn dhe Fadil Fazliun, ndërsa për Hajredin Kuçin ka kërkuar nëntë muaj burgim.

të fundit

Alarm në Turqi! Të gjithë në pritje të Ernest Muçit pas supergolit me Kombëtaren

Supergoli i Ernest Muçit ndaj Finlandës ka bërë xhiron e rrjetit dhe ka kthyer në vëmendje edhe me fanellën e…

6 minutes ago

SHBA synon të kufizojë pajisjet optike kineze në qendrat e të dhënave, kundërshtojnë Google, Amazon dhe Meta

Administrata amerikane po avancon me një nismë për të kufizuar importin e modeleve të reja kineze të transmetuesve optikë, pajisje…

9 minutes ago

Meta vë në provë aplikacionin “Direct”, mesazhet në Instagram mund të përdoren edhe pa llogari

Kompania Meta ka nisur testimin e një aplikacioni të ri të quajtur Direct, i cili synon të veçojë komunikimin me…

9 minutes ago

Fadil Fazliu lirohet pas vendimit të Hagës, mesazhi i të birit: Idealet nuk mposhten nga burgu

Gjykata Speciale në Hagë ka dënuar Fadil Fazliun me 12 muaj burgim në rastin që lidhet me pengimin e drejtësisë.…

9 minutes ago

Limaj kërkon reagim institucional pas dënimit të Hashim Thaçit në Hagë

Kryetari i Nismës Socialdemokrate, Fatmir Limaj, ka reaguar pas aktgjykimit të Gjykatës Speciale në Hagë ndaj ish-presidentit Hashim Thaçi, duke…

10 minutes ago

Erion Veliaj kërkoi shtyrjen e seancës në GJKKO, Prokurori Ols Dado: Kryebashkiaku ka kërkuar leje të marrë pjesë në evente të tjera, në gjyq thotë s’vij dot

Prokurori i SPAK, Ols Dado, ka deklaruar se sipas informacionit që disponon institucioni, gjendja shëndetësore e kryebashkiakut të Tiranës Erion…

13 minutes ago