Categories: kosovë

Qytetarët të bindur se projektligji për Specialen do të votohet edhe në lexim të dytë

Projektligji për ndryshimin e ligjit për Dhomat e Specializuara u miratua në lexim të parë me 91 vota për, pa asnjë votë kundër dhe pa abstenime. Deputetët e Lidhjes Demokratike të Kosovës (LDK) nuk morën pjesë në votim.

Të lidhura

None found

Gjatë ditës së sotme, protestat kanë vijuar në sheshet e Prishtinës, ku qindra qytetarë u mblodhën para Kuvendit të Republikës së Kosovës për të kërkuar miratimin e ndryshimeve në Ligjin për Specialen.

Veterani i luftës, Rrahman Ramadani, tha se projektligji duhet të votohet edhe në leximin e dytë, ndërsa nuk komentoi mungesën e deputetëve të LDK-së në seancë.

“LDK-ja e ka qëndrimin e vet, për ata nuk e komentojmë. Ishte dashur prej krejt partive shqiptare të votohet, por tash ata i dinë më mirë vetë punët e veta”, tha Ramadani.

Për leximin e dytë, ai u shpreh se nuk ka dyshime se ligji do të votohet sërish.

“Besoj që do të votohet. Nuk dyshoj që s’ka me u votua në lexim të dytë”, përfundoi ai.

Ndërsa qytetari Raip Neziri e cilësoi këtë si një hap shumë të mirë, edhe pse me vonesë.

“Pe shoh hap të mirë për fillim, po presim, kemi afat edhe pak kohor, ta kqyrim qysh po shkon procedura më tutje”, tha Neziri.

Ai shtoi se ky është obligim i deputetëve ndaj qytetarëve të Kosovës dhe duhet të merret me përgjegjësi.

“Te shohim më vonë qysh po shkon procedura. Duhet të kryhet patjetër, deputetët duhet ta kryejnë obligimin e vet ndaj ligjit ndaj qytetarëve. Po kërkojnë qytetarët, ata duhet të votojnë”, tha Neziri.

I pyetur se çfarë do të ndodhë nëse projektligji nuk votohet në lexim të dytë, ai tha se qytetarët janë aty dhe do të vazhdojnë protestimin.

“Do të protestojmë në mënyrë paqësore, jo në mënyrë të dhunshme… Shtëpi tjetër s’kemi, këtë shtëpi e kemi. Këtu bashkë e kemi krejt, çka të bëhet mirë a keq, bashkë e kemi”, përfundoi ai.

Ende nuk është e qartë nëse projektligji do të procedohet për lexim të dytë gjatë ditës së sotme, ndërsa protestat e organizuara nga OVL-UÇK vazhdojnë para Kuvendit.

të fundit

Companies, vehicles and properties seized from Ilir Shehu worth 10 million euros

Në kuadër të një hetimi pasuror ndaj Ilir Shehut alias Pasholli, 51-vjeç, i dënuar më parë për trafik droge në…

3 seconds ago

How fears of a global blackout on November 17 took hold, despite the false alarm

Një ndërprerje masive e energjisë elektrike, internetit dhe shërbimeve bankare, që do të niste më 17 nëntor dhe do të…

24 seconds ago

Trump’s appearance in the Philippines sparks reactions: darker, fuller hair

Presidenti amerikan, Donald Trump, ka tërhequr vëmendjen gjatë mbërritjes në Filipine, jo vetëm për vizitën e tij diplomatike në kuadër…

40 seconds ago

Armand Duka pas rikthimit në Ligën B: Më gëzon suksesi i Kosovës, por nuk do të doja të ishim në të njëjtin grup

Shqipëria dhe Kosova duhet të jenë të kualifikuara në Kampionatin Evropian “Euro 2028”, si dhe çdo sukses i “Dardanëve” i…

3 minutes ago

Bordi i Transparencës përcakton kufijtë e rinj të çmimeve për naftën dhe benzinën

Bordi i Transparencës dhe Kufizimit të Përkohshëm të çmimeve të tregtimit me shumicë/pakicë të nënprodukteve të naftës dhe të gazit,…

10 minutes ago

Irlanda dhe Kosova, avantazhet që mund të vendosin duelin vendimtar në Ligën e Kombeve

Kombëtarja e Irlandës mbështetet te forca në shtëpi, intensiteti dhe forma e sulmuesit Troy Parrottit, ndërsa Kosova synon ta shfrytëzojë…

21 minutes ago