Pas përleshjes së armatosur në qendër të Podujevës, ku mbetën të plagosur katër persona, qytetarët e këtij qyteti shprehën keqardhje dhe revoltë për ngjarjen.
Sipas autoriteteve, incidenti ndodhi rreth orës 13:30 në qendër të qytetit.
None found
Prokuroria Themelore në Prishtinë bëri të ditur se shkaku i dyshuar i rastit ishte një mosmarrëveshje paraprake. Po ashtu, u tha se personat e dyshuar kanë lidhje familjare nip dhe dajë, ndërsa motivi i dyshuar i kësaj çështje lidhet me një mosmarrëveshje paraprake.
Nga katër të plagosurit, tre ishin të përfshirë në shkëmbimin e zjarrit, ndërsa njëri ishte një kalimtar i rastit.
Të lënduarit u dërguan për trajtim mjekësor në Qendrën Klinike Universitare të Kosovës.
Drejtori i Klinikës së Emergjencës në QKUK, Naser Syla, tha: “Ata kanë pësuar plagë të rënda, por gjendja e tyre shëndetësore “është stabile për momentin”.”
Qytetari Behram Kolla e përshkroi si katastrofë ngjarjen me armë në mes të sheshit të Podujevës.
Kolla: Katastrofë, pasha Zotin!
“Katastrofë, Pasha Zotin po, kështu vaki s’ka bo, pa kurgjo hiq në mes të sheshit e popullit me gju kallasha, katastrofë”, tha Kolla.
Edhe Ukshin Hoti e konsideroi shumë shqetësuese situatën, duke thënë se është e rëndë që njeriu të ketë frikë të dalë në qytetin e vet.
Hoti: Me u tut njeriu me dalë në vend të vet është shumë keq
“Ata që veprojnë kështu, ata nuk duhet me jetu këtu. Ata i kisha hek prej këtij vendi, i kisha qu në njëfarë xhunglle. Se në këtë liri, me u tut njeri me dal në vend të vetë është shumë keq”, tha Hoti.
Në të njëjtën linjë u shpreh edhe qytetari Halim Morina.
Morina: Menjëherë të kapen e të dënohen
“Vetëm i lumi Zot ka të drejtë, se ai na ka dhënë shpirtin edhe ai na e merr. Ndërsa bandat që dalin me armë nëpër qytet e gjuajnë e vrasin, atë të fajshmin e të pafajshmin e kudo që gjejnë në rrugë, çfarë lyp ai? Ato duhet me i eliminuar, duhet me me, nuk po them me vra, menjëherë me kapë e me çu 30 vjet burg me dënu”, tha ai.
Spanja dhe Austria kanë zbuluar formacionet startuese për duelin vendimtar në fazën me eliminim direkt të Kupës së Botës. Sfida…
FC Prishtina ka zyrtarizuar edhe një përforcim për sezonin e ri, duke siguruar shërbimet e portierit me përvojë, Artan Iljazi.27-vjeçari,…
Kryeministri Edi Rama foli për protestat që po zhvillohen në vend, pasi u pyet nëse do të bashkohej edhe vetë…
Pas grumbullimit në sheshin “Skënderbej”, protestuesit kanë marsghuar drejt godinës së Kryeministrisë, në kuadër të protestës së 33-të kundër qeverisë.…
Deputeti i zgjedhur i Lëvizjes Vetëvendosje, Adnan Rrustemi, ka deklaruar se Lidhja Demokratike e Kosovës duhet t’u shpjegojë qytetarëve arsyet…
Katër persona kanë mbetur të plagosur si pasojë e të shtënave me armë zjarri të enjten në Podujevë. Media ka…