Qeveria e Kosovës ka dhënë dritën jeshile për projektligjet që lidhen me ratifikimin e marrëveshjeve financiare me Bashkimin Evropian për programet IPA 2021, IPA 2022 dhe Programin Shumëvjeçar IPA 2026-2027.
None found
Mes vendimeve të marra ishte edhe Projektligji për ratifikimin e Amendamentit Nr. 1 të Marrëveshjes Financiare ndërmjet Kosovës dhe BE-së për Programin IPA 2021.
Kryeministri Albin Kurti deklaroi se ndryshimi i marrëveshjes zgjat periudhën e zbatimit dhe u mundëson institucioneve të vijojnë procedurat për kontraktimin dhe përdorimin e 22.2 milionë eurove.
Sipas tij, amendamenti krijon kushtet e nevojshme që projektet e financuara nga BE-ja të realizohen dhe fondet të përdoren për qëllimet e parashikuara, duke sjellë përfitime konkrete për qytetarët.
Po në këtë mbledhje u miratua edhe Projektligji për ratifikimin e Amendamentit Nr. 1 të Marrëveshjes Financiare mes Kosovës dhe Bashkimit Evropian për Programin IPA 2022.
Kurti bëri të ditur se përmes këtij amendamenti hapet mundësia për kontraktimin dhe shfrytëzimin e 55.7 milionë eurove në mbështetje financiare nga Bashkimi Evropian.
Ai theksoi se afatet e zgjatura do t’u japin institucioneve kohën e nevojshme për përfundimin e procedurave dhe vazhdimin e projekteve të planifikuara, me synim përdorimin e plotë të fondeve dhe shndërrimin e tyre në investime në funksion të vendit dhe qytetarëve.
Qeveria miratoi gjithashtu Projektligjin për ratifikimin e Marrëveshjes Financiare ndërmjet Kosovës dhe Bashkimit Evropian për Programin Shumëvjeçar IPA 2026-2027.
Vlera e përgjithshme e projekteve të parashikuara në këtë program është 193 milionë e 856 mijë euro.
Paketa financiare përfshin rreth 180.5 milionë euro kontribut nga Bashkimi Evropian, 9 milionë euro bashkëfinancim nga qeveria, 1.8 milion euro nga Fondi i Kosovës për Efiçiencë të Energjisë dhe 2.5 milionë euro nga partnerë të tjerë zhvillimorë.
Sipas kryeministrit Kurti, ratifikimi i marrëveshjes i hap rrugën nisjes së zbatimit të programit. Institucionet përgjegjëse duhet të angazhohen në përgatitjen dhe realizimin e projekteve, në mënyrë që financimi të përdoret plotësisht dhe në përputhje me prioritetet e përcaktuara.
Në buxhet për momentin ka një boshllëk prej një miliard eurosh, dhe një miliard euro mungojnë edhe në Fondin e…
Në Buxhet mungojnë 900 milionë euro, ndërsa ribalanci i dytë është pranim i menaxhimit të dobët të financave dhe ekonomisë…
Aktvendimi për urdhrin mbrojtës për Arlinda Zekajn, në të cilin shkruante edhe për ndarjen e shtëpisë me Jeton Sylajn, pavarësisht…
Glen DajaElbasani mori një fitore spektakolare kundër Partizanit në javën e 9-të të Abissnet Superiore, me rezultatin 2 - 1…
Kolektivi për Mendim dhe Veprim Feminist bëri të ditur se nesër (e enjte) në orën 16:00, në sheshin “Zahir Pajaziti”…
Në buxhet për momentin ka një boshllëk prej një miliard eurosh, dhe një miliard euro mungojnë edhe në Fondin e…