Plani i fshehtë kundër Kurtit dhe shantazhi – Faton Mehmeti tregon çfarë përmban aktakuza për Fatmir Shehollin

Faton Mehmeti, analist politik, ka ndarë hollësi mbi aktakuzën që Prokuroria Speciale e Kosovës ka dorëzuar kundër Fatmir Shehollit. Në një deklaratë për “Bota sot”, ai sqaroi se Sheholli përballet me pretendime për lidhje me Agjencinë e Sigurisë dhe Informacionit të Serbisë (BIA) dhe për ushtrimin e shantazhit ndaj një sipërmarrësi, të cilit i janë kërkuar para për të mos i bërë publike disa përmbajtje të ndjeshme.

Sipas analistit, dokumenti i akuzës përqëndrohet në dy drejtime thelbësore: veprimtarinë spiunazhi dhe rastin e shantazhit.

“Aktakuza kundër Shehollit qëndron mbi dy shtylla, të cilat i takojnë spiunazhit dhe shantazhit”, nisi ai. “Në rrafshin e parë, flitet për bashkëpunim të dyshuar me strukturë të huaja, pikërisht me BIA-n. Sipas prokurorisë, ai ka siguruar informacione dhe qëllimi përfundimtar ishte minimi i pozitës së Nenad Rashiqit, me synimin për t’i hapur rrugë forcimit të Listës Serbe në Kosovë. Kjo, gradualisht, do të çonte në rikthimin e influencës së Beogradit dhe të presidentit Aleksandar Vuçiq në veriun e vendit. Madje, pretendohet se komunikimet i ka pasur edhe më Milan Radojçiqin”, shpjegoi Mehmeti.

Më tej, ai zbuloi një segment tjetër të dosjes, i cili përshkruan një plan konfidencial që synonte dëmtimin e figurës së kryeministrit aktual, Albin Kurti.

“Ka dyshime se ka marrë pjesë në përpilimin e një skeme të fshehur, e cila kishte për objektiv uljen e prestigjit të kryeministrit Albin Kurti. Për më tepër, sipas pretendimeve, plani konsistonte në nxitjen e ekstremizmit islamik, me ide për të siguruar para nga përfaqësi diplomatike të vendeve islamike në Beograd. Paratë më pas do të ridrejtoheshin drejt Kosovës përmes gazetarëve të caktuar”, theksoi ai.

Sipas këtyre pohimeve, fonde do të kishin për destinacion edhe mediat, në funksion të shpërndarjes më të gjerë të ideologjisë islame radikale”, shtoi më tej ai.

Ana tjetër e aktakuzës, siç e përshkoi Mehmeti, ka në qëndër akuzën për shantazh ndaj sipërmarrësit Arben Jetullahu.

“Pjesa e dytë e akuzës i referohet shantazhit ndaj biznesmenit Arben Jetullahu. Atij i kërkeshin 700 euro çdo muaj, që të mos publikoheshin disa incizime që mund ta damtosnin. Shuma e përgjithshme arriti në 13 mijë euro dër në momentin kur vikima e denoncoi rastin në polici”, tregoi Mehmeti.

“Këto janë pikat më të nxehta të kësaj çështjeje”, përmblodhi ai për “Bota sot”.