Ministri në detyrë i Mbrojtjes, Ejup Maqedonci, priti sot pesë kadetë nga Kosova, të cilët kanë përmbyllur me sukses studimet në Akademinë Ushtarake të Forcave të Armatosura të Republikës së Turqisë.
None found
Gjatë takimit, Maqedonci uroi nëntogerët Ramadan Rexha, Gjergj Dreni, Altin Salihaj, Elmë Ramadani dhe Admirim Ismajli për përfundimin e pesë viteve të përgatitjes akademike. Ky formim përfshiu një vit kurs përgatitor për gjuhën turke dhe katër vite studime ushtarake.
Ai theksoi se Ministria e Mbrojtjes dhe Forca e Sigurisë së Kosovës e konsiderojnë arsimimin dhe avancimin profesional të personelit si një prej fushave prioritare.
“Para nisjes së ceremonisë së diplomimit në Akademinë Ushtarake të Forcave të Armatosura të Republikës së Turqisë, pata kënaqësinë të takoj kadetët nga Kosova që përfunduan me sukses shkollimin në këtë akademi prestigjioze. Urova nëntogerët Ramadan Rexha, Gjergj Dreni, Altin Salihaj, Elmë Ramadani dhe Admirim Ismajli për përfundimin e pesë viteve të shkollimit, ku përfshihen një vit kurs përgatitor të gjuhës turke dhe katër vite studime ushtarake”, ka shkruar Maqedonci në Facebook.
Sipas ministrit, përveç rritjes së kapaciteteve dhe modernizimit të forcës, Ministria e Mbrojtjes dhe Forca e Sigurisë së Kosovës i kushtojnë rëndësi të veçantë edukimit, arsimimit dhe zhvillimit profesional të pjesëtarëve të tyre. Ai vlerësoi se përgatitja e kuadrove të mirëfillta ushtarake përbën një investim në të ardhmen e FSK-së, si dhe në krijimin e një force moderne, profesionale dhe të aftë për të bashkëpunuar me ushtritë e vendeve partnere.
“Edukimi i oficerëve tanë në akademitë prestigjioze të shteteve partnere ndihmon njëkohësisht në forcimin e marrëdhënieve dhe bashkëpunimit mes forcave tona të armatosura. Republikës së Turqisë i shprehim mirënjohjen për mbështetjen e vazhdueshme në arsimimin dhe zhvillimin profesional të pjesëtarëve të FSK-së. Nëntogerëve tanë u uroj suksese të shumta në detyrat dhe përgjegjësitë që i presin në shërbim të Forcës së Sigurisë së Kosovës dhe Republikës së Kosovës”, tha ai.
Alban Xhaferi i tërbuar drejt tunelit në ndeshjen Elbasani - VllazniaVllaznia e drejtuar nga Edi Martini nuk shkoi më shumë…
Agjencia për Media dhe Informim ka reaguar ndaj një statusi të shpërndarë sërish nga deputetja e Partisë Demokratike, Jorida Tabaku,…
Bayern Munichu nuk ka asnjë shqetësim sa i përket të ardhmes së Michael Olises, pavarësisht spekulimeve të vazhdueshme për një…
Komuna e Butelit dhe drejtoresha e shkollës “Penko” po e arsyetojnë mospranimin e nxënësve nga Çairi me ligjin për arsimin…
Situatë shqetësuese në Bulqizë. Një vatër zjarri është përhapur me shpejtësi në fshatin Zall-Strikçan, në Njësinë Administrative Zerqan. Flakët, të…
Pika e kalimit kufitar të Morinës, në kufirin mes Kosovës dhe Shqipërisë, vijon të përballojë një fluks të lartë udhëtarësh…