Përfundon protesta e gjashtë në sheshin “Skënderbeu” në Prishtinë

Protesta e zhvilluar sonte në sheshin “Skënderbeu” të Prishtinës ka përfunduar, ndërsa qytetarët pjesëmarrës janë shpërndarë.

Marshimi i gjashtë kundër vendimit të Gjykatës Speciale u shoqërua me pjesëmarrjen e Endrit Thaçit, djalit të ish-presidentit Hashim Thaçi, si dhe të djalit të ish-kryetarit të Kuvendit, Jakup Krasniqi.

Në mesin e të pranishmëve ishin edhe gjenerali Kudusi Lama, deputeti Nait Hasani, kryetari i Prishtinës, Përparim Rama, dhe figura të tjera politike.

Të mbledhurit kundërshtuan vendimin e Gjykatës Speciale për dënimin e katër ish-krerëve të Ushtrisë Çlirimtare të Kosovës.

Protesta e kësaj mbrëmjeje shënoi natën e gjashtë të tubimeve të mbajtura në Prishtinë kundër këtij vendimi.