Pas vendimit në Hagë, Hamza shkon për vizitë te familjet Thaçi, Veseli dhe Krasniqi

Pas vendimit të fundit të marrë në Hagë, kreu i PDK-së, Bedri Hamza, ka qëndruar për vizitë te familjet e Hashim Thaçit, Kadri Veselit dhe Jakup Krasniqit.

Hamza bëri të ditur se familjarëve u ka ofruar përkrahjen e tij, duke i siguruar se nuk janë vetëm dhe se asnjëherë nuk do të mbeten të tillë.

Sipas tij, PDK-ja do ta vijojë angazhimin në kërkim të drejtësisë dhe lirisë, deri në rikthimin e tyre në Kosovë.

Postimi i plotë:

Bedri Hamza shkroi se sot vizitoi familjet Thaçi, Veseli dhe Krasniqi, pas vendimit në Hagë, të cilin e cilësoi të rëndë, të padrejtë dhe pa bazë. Ai tha se i siguroi familjarët që nuk janë dhe nuk do të jenë kurrë vetëm.

Ai u shpreh se dhimbja e këtyre familjeve është edhe dhimbja e tyre, ndërsa mërzia që përjetojnë është njëkohësisht mërzia e popullit.

Hamza theksoi krenarinë për ta, për luftën për liri, si dhe për gjithçka që përfaqësojnë ata në historinë dhe shtetin e Kosovës.

Ai deklaroi se do të qëndrojnë së bashku, do të angazhohen bashkë dhe do ta vijojnë betejën për drejtësi e liri, derisa luftëtari i fundit i lirisë të kthehet në atdhe.

Në përfundim, Hamza shkroi: “Dje, sot dhe përjetësisht, çlirimtarë!”