Në Dhomat e Specializuara të Kosovës në Hagë ka vijuar paraqitja e konkluzioneve përfundimtare nga mbrojtja në çështjen ku Hashim Thaçi, Bashkim Smakaj, Isni Kilaj, Fadil Fazliu dhe Hajredin Kuçi përballen me akuza për vepra penale kundër administrimit të drejtësisë.
None found
Avokati Jonathan Elystan Rees, i cili përfaqëson Bashkim Smakajn, e nisi fjalën përmbyllëse duke kundërshtuar interpretimin e prokurorisë për shprehjet e përdorura nga Smakaj dhe Thaçi gjatë vizitave.
Sipas tij, udhëzime të tilla si “tregoi atij”, “thuaj atij” dhe “thjeshtësoja që të mos i përziej gjërat” nuk përmbajnë elementet e një vepre penale, në kundërshtim me pretendimin e prokurorisë.
Rees argumentoi se këto fjalë nuk kanë asnjë lidhje me komprometimin e hetimit efektiv, sigurinë e dëshmitarëve apo administrimin e drejtësisë. Ai theksoi se kërkesat për përgjigje të shkurtra dhe të qarta janë udhëzime të zakonshme, të përdorura në mënyrë të përgjithshme në mjedise të ngjashme në të gjithë botën, dhe se nuk mund të interpretohen si cenim i dëshmitarëve ose i procesit të drejtësisë.
Avokati shtoi se Bislim Zyrapi, për të cilin prokuroria pretendon se është ndikuar, u ka deklaruar prokurorëve se dëshmia e tij nuk është diskutuar me Smakajn.
Sipas mbrojtjes, nuk ekziston ndonjë ndalesë ligjore për takimet mes tyre, pasi Smakaj dhe Zyrapi kanë qenë miq prej vitesh.
Të gjithë të akuzuarit po e ndjekin seancën përmes videolidhjes: Thaçi nga Haga, ndërsa të tjerët nga Kosova.
Një ditë më parë, prokuroria e përmbylli paraqitjen e saj duke kërkuar dënimin me burgim të të akuzuarve, ndërsa mbrojtja e Hashim Thaçit kërkoi lirimin e tij.
Gjyqtari Christopher Gosnell tha se gjatë vizitës së Isni Kilajt në Qendrën e Paraburgimit në Hagë, më 6 tetor 2023,…
Ministri i Punëve të Brendshme, Ervin Demo, ka firmosur urdhrin për uljen e tarifave të pajisjes me pasaporta dhe karta…
Lojtari i ri i Getafes, Dani Carvajal, ka folur hapur rreth largimit të tij nga Real Madridi verën e këtij…
Ish- kreu i Bashkisë së Divjakës, Fredi Kokoneshi, është dënuar me 1 vit burgim për veprën penale të “Shpërdorimit të…
Gjyqtari Christopher Gosnell tha se Hashim Thaçi dhe Bashkim Smakaj akuzohen për tentativë të pengimit të personave zyrtarë në kryerjen…
Gjyqtari Christopher Gosnell tha se në rastin e Hashim Thaçit dhe Fadil Fazliut bëhet fjalë për tentativë të pengimit të…