Presidenti i Francës, Emmanuel Macron, i ka dërguar një letër urimi Justinës Shiroka Pula për marrjen e detyrës si Presidente e Republikës së Kosovës.
Krahas urimeve për zgjedhjen e saj, Macron shprehu shpresën që Kosova të rifillojë përparimin në fushat që lidhen me perspektivën e saj evropiane. Ai kujtoi takimin me kryeministrin Albin Kurti në Paris, në mars të këtij viti, dhe e cilësoi Francën partnere historike të Kosovës.
None found
Presidenti francez u shpreh i kënaqur që vizita në Kosovë e ministrit të deleguar përgjegjës për Evropën bëri të mundur nënshkrimin e marrëveshjeve të reja mes dy vendeve gjatë korrikut. Ai theksoi gjithashtu rëndësinë e normalizimit të marrëdhënieve Kosovë–Serbi dhe rikonfirmoi mbështetjen e Francës për dialogun e lehtësuar nga Bashkimi Evropian.
Letra e plotë:
E nderuara zonja Presidente,
Me rastin e zgjedhjes suaj Presidente e Republikës së Kosovës, ju përcjell urimet e mia më të përzemërta.
Uroj që zgjedhja juaj t’i japë sërish shtysë përparimit në fushat e lidhura me perspektivën evropiane të vendit tuaj. Ju jeni në dijeni të përkushtimit tim për ribashkimin e kontinentit evropian, një synim që do të ndihmojë në garantimin e paqes dhe stabilitetit në Evropë. Këtë qëndrim pata mundësi ta përsëris edhe gjatë takimit me Kryeministrin, z. Kurti, në Paris, në marsin e kaluar.
Mes Francës dhe Kosovës ekziston një partneritet historik. Më gëzon fakti që vizita e ministrit të deleguar përgjegjës për Evropën në vendin tuaj solli, në korrik, nënshkrimin e marrëveshjeve të reja ndërmjet dy vendeve tona.
Dua të theksoj, në fund, se normalizimi i marrëdhënieve mes Kosovës dhe Serbisë ka rëndësi thelbësore. Korniza për këtë proces përcaktohet nga Marrëveshjet e Brukselit dhe të Ohrit. Franca do të vijojë ta mbështesë dialogun e lehtësuar nga Bashkimi Evropian; tani të dyja palët duhet t’i përmbushin zotimet që kanë marrë.
Pranoni, e nderuara zonja Presidente, konsideratën time më të lartë.
Emmanuel Macron, President i Republikës Franceze
Cesc Fabregas ka komentuar fitoren historike të Comos me rezultat 9-1 ndaj Lensit në Ligën e Kampionëve, duke kërkuar nga…
Kreu i Partisë Demokratike, Sali Berisha, gjatë një takimi me kryetarët dhe sekretarët e degëve të PD-së, ka bërë thirrje…
Një anëtar i një organizate kriminale që mashtronte gra të moshuara ka rënë në prangat e Policisë në Selanik. [...]…
Dy aktivistët Dritan Goxhaj dhe Edison Lika janë liruar mbrëmjen e kësaj të mërkure, pasi u shoqëruan me forcë nga…
Kërkimet për 69-vjeçarin, Hamit Ibro janë duke vazhduar nën rrënojat e pallatit të shkatërruar nga shpërthimi që ndodhi ditën e…
Kreu i Partisë Demokratike, Sali Berisha, gjatë një takimi me kryetarët dhe sekretarët e degëve të PD-së, ka bërë thirrje…