Lideri i LDK-së, Lumir Abdixhiku, ka reaguar me tone të forta pasi dy kryetarë degësh të partisë në Pejë dhe Lipjan kërkuan publikisht dorëheqjen e tij, duke vlerësuar se kjo është bërë në mënyrë të parregullt dhe jashtë rrugëve të duhura brenda partisë.
Abdixhiku tha se e ka befasuar fakti që, sipas tij, “sugjerimet dhe kërkesat e koordinuara” për largimin e tij janë dhënë përmes mediave, ndërsa shtoi se, duke pasur parasysh bashkëpunimin e gjatë mes tyre, kjo çështje do të duhej të shtrohej “ballë për ballë”.
None found
Ai pranoi se rezultati zgjedhor në Pejë dhe Lipjan nuk ka qenë i kënaqshëm, por argumentoi se rënia e LDK-së në këto komuna, ku partia ka qenë në qeverisje, lidhet, sipas tij, me “sabotim të brendshëm” dhe me projekte që nuk kanë të bëjnë me identitetin e LDK-së.
Më poshtë është reagimi i tij i plotë:
Si nuk u ngopën kurrë?!
I falënderoj dy Kryetarët e Degëve, të Pejës dhe Lipjanit, për sugjerimet dhe kërkesat e koordinuara të dhëna nëpër media për dorëheqjen time. Më e drejtë do të kishte qenë që këtë ta thoshin drejtpërdrejt. Në fund të fundit, kemi bashkëpunuar gjatë.
E pranoj se rezultati në këto dy degë nuk është i mirë. Fakti që në komuna ku qeverisim dolëm të tretët, sipas meje, dëshmon vetëm shkallën e një sabotimi të thellë dhe të një projekti që nuk i përket LDK-së.
Temën e dorëheqjes sime e kam trajtuar në Kuvendin e 31 janarit, edhe në praninë e këtyre dy kryetarëve. Për mua, anëtarësia ka folur qartë. Por për paraqitjen e dobët në këto dy degë, për rezultatin më të ulët ndër vite, pres dorëheqje morale nga dy kryetarët në fjalë. I pranoj menjëherë.
Anëtarësinë e gjerë të LDK-së e siguroj se nuk do të lejojmë që projektet për ndarjen e LDK-së, të shtyra nga sabotues të qëllimshëm, të marrin formë. Ato dështuan më 31 janar, dështuan në zgjedhje dhe do të dështojnë edhe tani. Që prej asaj kohe, pavarësisht pengesave dhe dyshimeve, ne megjithatë u rritëm në një kohë aq të shkurtë. Sot, në asnjë rrethanë dhe me asnjë çmim, nuk do të lejojmë që vullneti i shumicës dërrmuese të LDK-së të deformohet në projekte që synojnë ndarjen dhe më pas shuarjen e LDK-së.
LDK, në fund të fundit, nuk është një konfederatë interesash lokale. Nuk është as platformë për karriera individuale. LDK mbetet një parti nacionale. E vetja. E askujt tjetër, sidomos jo e ndonjë partie tjetër.
I bëj thirrje shumicës së anëtarësisë që në këto kohë të trazuara të ruajë qetësinë. Çdo sfidë do ta kalojmë, siç kemi ditur gjithmonë.
Kam vetëm keqardhje që në çastet më të rëndësishme për LDK-në dhe vendin, dëmtimi ynë nga brenda vazhdon të mbetet synim. Si nuk u ngopën kurrë?!
Kryetari i Partisë Mundësia Agron Shehaj ka denoncuar një tjetër detaj të rëndë që ka ndodhur me djalin e ri…
Antonio Conte ka lënë të kuptohet se një rikthim te Juventusi mund të ndodhë në të ardhmen. Trajneri italian, i…
Zëvendëskryeministrja Albana Koçiu ka prezantuar përmes një videomesazhi në Kuvend projektbuxhetin e vitit 2027, i cili kap vlerën e 10…
Miinistri i Mjedisit Jetësor dhe Planifikimit Hapësinor, Muhamed Hoxha, deklaroi se vendosja e sistemit rajonal për grumbuillim të mbeturinave mbetet…
Kryetari i Komunës së Pejës, Gazmend Muhaxheri, ka thënë se e ndjera Arlinda Zekaj nuk kishte kërkuar asnjëherë strehim për…
Kryeministri i Shqipërisë, Edi Rama, deklaroi se bullgarët duhet të përfshihen në Kushtetutën e Maqedonisë së Veriut.Ai tha se për…