Mediat serbe raportojnë se Oliver Ivanoviçi është vrarë me urdhër të Zvonko Veselinoviçit i mbështetur nga nënkryetari i Listës Serbe, Milan Radojiçiç, të dy këta në listën e të sanksionuarve nga Departamenti amerikan i Thesarit.
Boban Bogdanoviç mik i kriminelit të vrarë Aleksandar Gligorijeviç Puki, anëtar i klanit të Veljko Belivuk, i ka thënë organizatës KRIK (Rrjeti i Raportimit të Krimit dhe Korrupsioni) në Serbi se Oliver Ivanoviqi politikani nga Mitrovica e Veriut është vrarë nga Ljubomir Lainoviq nga Novi Sadi dhe vrasja është urdhëruar nga biznesmeni Zvonko Veselinoviç, shkruan N1, përcjell Express.
None found
Bogdanoviq i ka thënë KRIK-ut se shoku i tij, Aleksandar Gligorijeviç i ka treguar atij të vërtetën për vrasjen e politikanit serb Oliver Ivanoviç.
Sipas Bogdanoviçit, më 7 mars 2020 në një ndeshje sportive, Gligorijeviç i ka treguar se kush kanë qenë organizatorët dhe kush është vrasësi i Ivanoviçit.
Sipas tij, Oliver Ivanoviç është vrarë nga Ljubomir Lainoviç, i biri i njërit nga njerëzit më të rrezikshëm në Novi Sad, Branislav Lainoviç Dugi.
“Ai e ka kryer atë vrasje. Njeriu që e ka organizuar arritjen e tij në Kosovë që e ka përgatitur logjistikën e vrasjes së Ivanoviçit është Milan Radoiciç. Njeriu që e ka organizuar vrasjen është Zvonko Veselinoviq. Kjo është çfarë më ka thënë Aleksandar Gligorijeviç”, ka thënë Bogdanoviç për KRIK.
Sipas tij, për ta kryer vrasjen e Ivanoviçit janë dhënë 50 mijë euro nga Veljko Belivuk për Branislav Lainoviç.
Aleksandar Gligorijevic Puki u vra në vitin 2020 nga duart e ish-bashkëpunëtorëve të tij – ai u vra nga Belivuk dhe anëtarët e klanit në një shtëpi në Ritopek, dhe trupi i tij ishte therur dhe fjala “tradhti” i ishte gdhendur në shpinë sepse e morën vesh që ai u kthye kundër tyre, kujton KRIK.
Bogdanoviç foli gjithashtu për KRIK për lidhjet e Gligorijevic me Partinë Progresive Serbe të Aleksander Vuçiqit dhe detaje të tjera nga krimi dhe sporti.
Oliver Ivanoviç u vra në janar të vitit 2018 para zyrës së tij në Mitrovicën e Veriut.
Taulant Balla ka reaguar pas njoftimit të kryeministrit Edi Rama në Konferencën e IX Ndërqeveritare Shqipëri–BE në Bruksel, ku u…
Forcat amerikane kanë kryer një valë të re goditjesh ndaj instalimeve ushtarake në Iran, vetëm një orë pasi hyri në…
Një aksident i rëndë rrugor ka ndodhur mbrëmjen e sotme në aksin Vranisht–Vlorë, ku një këmbësore ka humbur jetën pasi…
Zëvendëskryeministri dhe ministër i Transportit, Aleksandar Nikolloski informoi se po bëhen ndryshime në pesë ligje në mënyrë që të mundësohet…
Ambasadori britanik në Kosovë, Jonathan Hargreaves, tha se siguria evropiane është në zemër të miqësisë së thellë Britani e Madhe-Kosovë.…
Deklarata e ministres së qeverisë së Serbisë se, po të ishte në vendin e Sllobodan Millosheviqit, do ta kishte “spastruar…