Kryesia e Kuvendit mblidhet të hënën, në rend dite caktimi i seancës plenare

Kryesia e Kuvendit të Kosovës pritet të zhvillojë mbledhjen e radhës të hënën, më 12 tetor, me tri pika për diskutim.

Takimi pritet të nisë me miratimin e procesverbalit të mbledhjes së kaluar të Kryesisë.

Më pas, anëtarët do të shqyrtojnë propozimin për rendin e ditës së seancës së ardhshme plenare. Në të parashikohet të përfshihen këto çështje:

1. Miratimi i procesverbaleve të seancave të mëparshme;

2. Deklarimet jashtë rendit të ditës;

3. Pyetjet parlamentare;

4. Zgjedhja e dy (2) anëtarëve joekzekutivë të Bordit të Bankës Qendrore të Republikës së Kosovës;

5. Krijimi i Komisionit Ad-Hoc për përzgjedhjen e kandidatëve për dy (2) anëtarë nga komuniteti shqiptar, një (1) anëtar nga komuniteti serb dhe një (1) anëtar nga komunitetet jo shumicë në Bordin e Radiotelevizionit të Kosovës;

6. Propozimi i GP- Lista serbe për emërimin e deputetëve në komisionet parlamentare.

Në përmbyllje të mbledhjes do të shqyrtohen edhe propozimet dhe kërkesat e paraqitura.