Ndërsa Serbia po i afrohet zgjedhjeve parlamentare, emri i Kosovës del shpesh në debate elektorale, por kryesisht si mjet për sulme politike dhe thirrje nacionaliste. Si qeveria ashtu edhe opozita po ripërsërisin qëndrimet e tyre të njohura, pa paraqitur asnjë propozim konkret për të ardhmen e dialogut me Prishtinën apo për zbatimin e marrëveshjeve të arritura në Bruksel dhe Ohër.
None found
Vëzhguesit politikë thonë se pushteti po e shfrytëzon temën e Kosovës për të minuar mbështetjen për Listën Studentore, e cila shihet si kundërshtarja kryesore në këtë cikël zgjedhor.
“Gjatë ndjekjes së fushatës kemi vënë re se çështja e Kosovës përdoret më së shumti nga pushteti në një fushatë negative kundër studentëve, me pretendimin se ata do ta njohin pavarësinë e Kosovës. Kështu synohet që një pjesë e elektoratit me prirje nacionaliste të largohet nga Lista Studentore”, u shpreh Sofija Popovbiq nga European Western Balkans.
Qëndrimet kryesore mbeten të pandryshuara. Partia në pushtet dhe Lista Studentore vazhdojnë t’i referohen Kushtetutës së Serbisë, ndërsa disa formacione nacionaliste kërkojnë braktisjen e marrëveshjeve të Brukselit. Një perspektivë ndryshe sjell koalicioni opozitar “Serbia Evropiane”, i cili mbështet integrimin e Serbisë në Bashkimin Evropian dhe normalizimin e raporteve me Kosovën.
“Kemi dokumente të miratuara në Kuvend dhe duhet të veprojmë sipas tyre. Duhet të liberalizojmë tregtinë, lëvizjen e njerëzve, arsimin, sportin e kështu me radhë. Për mua kjo është çështje humane, jo çështje shtetësie”, deklaroi Goran Jeshiq nga Koalicioni “Serbia Evropiane”.
Kosova vazhdon të jetë burim përplasjesh politike në Serbi. Megjithatë, në këto zgjedhje kanë rëndësi edhe votat e serbëve që jetojnë në Kosovë. Më 25 tetor ata do të mund të votojnë në Rashkë, Vranjë, Kurshumli dhe Tutin.
Qeveria e ardhshme në Beograd do të përballet me detyrimet që dalin nga procesi i dialogut. Për Kosovën dhe gjithë rajonin, pyetja kryesore pas zgjedhjeve mbetet: a do të ndryshojë vetëm gjuha politike, apo do të ketë një qasje të re të Beogradit ndaj Kosovës?
Protesta të dhunshme kanë përfshirë Tiranën. Revolta studentore nuk ka të ndalur. Gjatë protestës ka pasur edhe përshkallëzim të situatës.…
Një rast i pazakontë është regjistruar në Klinikën Emergjente (reparti internistik) në QKUK, ku një paciente mësohet se ka mbetur…
Organizata e Kombeve të Bashkuara në Shqipëri ka përsëritur thirrjen për dialog konstruktiv me qëllim uljen e tensioneve në vend,…
Situata në rrugët e Tiranës vijon të jetë shqetësuese. Protesta është përshkallëzuar. Ndërsa policë dhe civilë dhunojnë qytetarë në rrugët…
Drejtori i Policisë së Tiranës, Oliger Torba, është paraqitur në Spitalin e Traumës me krahun e fashuar, pasi është lënduar…
Interesimi i qytetarëve për t’u pajisur me leje për armë po shënon rritje. Mbi 20 mijë kërkesa janë paraqitur dhe…