Koha e pritjes 3-5 minuta në pikat kufitare të Kosovës

Sezoni i verës ka rritur lëvizjet e udhëtarëve, por pikat kufitare të Kosovës ende nuk po përballen me mbingarkesa të mëdha.

Të dhënat më të reja tregojnë se kohëzgjatja e pritjes për të hyrë ose dalë nga territori kosovar është minimale, duke u luhatur mes 3 dhe 5 minutash në pothuajse të gjitha vendkalimet.

Megjithatë, autoritetet parashikojnë një rritje të numrit të mërgimtarëve dhe vizitorëve në ditët në vazhdim, periudhë gjatë së cilës zakonisht formohen radhë të gjata dhe zgjatet koha e qëndrimit në pritje.

Për momentin, trafiku po rrjedh pa probleme dhe pa ndonjë vonesë të ndjeshme.