Kjo video është një shuplakë” – Nexhmije Gjema denoncon përpjekjet për relativizimin e krimeve në Kosovë

Opinionistja Nexhmije Gjema ka reaguar me tone të ashpra ndaj përpjekjeve për të zbehur përgjegjësinë e Serbisë për krimet e kryera në Kosovë gjatë luftës.

Në një postim publik, ajo ka kritikuar disa analistë dhe politikanë të opozitës, të cilët, sipas saj, po përpiqen të gjejnë justifikime për krimet e luftës.

“Përderisa na hala po gjejmë varreza masive, Serbia s’munët me e varrosë të vërtetën. E as ju”, ka shkruar Gjema.

Postimi i plotë:

𝐊𝐣𝐨 𝐯𝐢𝐝𝐞𝐨 𝐨𝐬𝐡𝐭𝐞̈ 𝐬𝐡𝐮𝐩𝐥𝐚𝐤𝐞̈ 𝐟𝐭𝐲𝐫𝐞̈𝐬 𝐩𝐞̈𝐫 𝐬𝐞𝐜𝐢𝐥𝐢𝐧 𝐪𝐞̈ 𝐦𝐮𝐧𝐨𝐡𝐞𝐭 𝐦𝐞 𝐢 𝐫𝐞𝐥𝐚𝐭𝐢𝐯𝐢𝐳𝐮, 𝐚𝐫𝐬𝐲𝐞𝐭𝐮 𝐚𝐩𝐨 𝐚𝐦𝐧𝐢𝐬𝐭𝐮 𝐤𝐫𝐢𝐦𝐞𝐭 𝐞 𝐒𝐞̈𝐫𝐛𝐢𝐬𝐞̈ 𝐧𝐞̈ 𝐊𝐨𝐬𝐨𝐯𝐞̈.

Qitë video ua kisha lshu me zor nja 1mil herë do “analistave” e politikanëve tonë t’opozitës, qi e kanë marrë përsipër me ia la Sërbisë gjynahet-krimet e luftës.

Sa ironike:

atje, n’Sërbi, k’ta njerëz po flasin e po trishtohen pse kanë PA, kanë DITË e kanë HESHTË për krimet që i kanë bo policia, ushtria e paramilitarët sërbë, pra shteti i tyne…

…e këtu, n’Kosovë, hala i ki do të paskrupullt që dalin e na shpjegojnë se Sërbia s’paska pasë edhe qaq faj, se “duhet me e pa kontekstin”, se “edhe…nashta s’kanë pas faj” …e qisi idiotsi tuj gjetë nji arsyetim për secilin krim.

More, more t’mjer.

😡

Përderisa na hala po gjejmë varreza masive, Sërbia s’munët me e varrosë t’vërtetën. E as ju.

P.S. Emisioni i Milomir Mariçit me mysafirë: Nenad Marianko, Nenedomir Jovanoviç dhe Urosh Shuvakoviç, i cili osht nji nga pasuesit ma ekstremë të Milosheviçit, zëvendësshef i Analizës së Sigurimit të Shtetit (DB), në kohën e terrorit të hapun, vrasjeve politike, agresionit, luftërave dhe krimeve.