KFOR-i ka bërë të ditura më shumë informacione për ushtrimin e përbashkët “Shpata e Artë 2026”, të zhvilluar së bashku me EULEX-in, Policinë e Kosovës dhe Agjencinë e Menaxhimit të Emergjencave.
None found
Sipas KFOR-it, pjesë e këtij ushtrimi ishte edhe personeli i FSK-së, ndërsa stërvitja shërbeu për të vënë në provë zbatimin e kapaciteteve, aftësive dhe procedurave në menaxhimin e krizave në disa skenarë të ndërlikuar të sigurisë, përfshirë edhe rastet që kanë të bëjnë me trajtimin dhe asgjësimin në mënyrë të sigurt të mjeteve shpërthyese dhe materialeve të rrezikshme.
Më 2 dhe 3 korrik 2026, personeli i misionit të udhëhequr nga NATO-ja në Kosovë (KFOR), Misionit të Bashkimit Evropian për Sundimin e Ligjit në Kosovë (EULEX), Policisë së Kosovës (PK) dhe Agjencisë për Menaxhimin e Emergjencave (AME) realizuan aktivitete të përbashkëta stërvitore në kuadër të ushtrimit “Shpata e Artë2026”.
Ky ushtrim u organizua në zonën stërvitore të Kampit Vrelo në Prishtinë dhe kishte për qëllim testimin e zbatimit të kapaciteteve, aftësive dhe procedurave për menaxhimin e krizave në një sërë situatash komplekse të sigurisë, duke përfshirë edhe ato që lidhen me trajtimin dhe asgjësimin e sigurt të mjeteve shpërthyese dhe materialeve të rrezikshme.
Në këtë aktivitet mori pjesë edhe personeli i Forcës së Sigurisë së Kosovës (FSK), në përputhje me mandatin e saj fillestar për mbrojtje civile.
KFOR-i theksoi se vazhdon ta zbatojë mandatin e tij, të mbështetur në Rezolutën 1244 të vitit 1999 të Këshillit të Sigurimit të Kombeve të Bashkuara, me synimin për të kontribuar në një ambient të sigurt për të gjithë qytetarët që jetojnë në Kosovë dhe për të garantuar lirinë e lëvizjes, në çdo kohë dhe në mënyrë të paanshme. Po ashtu, KFOR-i vepron në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në përputhje me rolet e tyre përkatëse si reagues të sigurisë.
Drejtori i Përgjithshëm i Tatimeve, Ilir Binaj, ka reaguar me një deklaratë pas akuzave publike të Elisa Spiropalit, e cila…
SUV-i elektrik Volvo EX60 është shpallur “Vetura e Vitit 2027” në çmimet prestigjioze Carwow Car of the Year Awards, duke…
Një automjet i pazakontë Argo 8x8 Response XTV i vitit 1996 është nxjerrë në shitje në Michigan të SHBA-së, me…
Mbrojtja e viktimave është prioritet, dhuna nuk duhet të jetë objekt i përplasjeve partiake, thonë sot nga Qeveria e Maqedonisë…
Kryeministri në detyrë i Kosovës, Albin Kurti, ka mbajtur këtë pasdite takimin e rregullt të Këshillit Kombëtar për Ekonomi dhe…
Trajneri i Manchester Unitedit, Mauricio Pochettino, ka nisur të planifikojë përforcimet e mundshme për skuadrën dhe në listën e tij…