Categories: kosovë

Kënga serbe në Forumin e BE-së, Shoqata e Shkencëtarëve të Kosovës kërkon hetim dhe shkarkime

Shoqata e Shkencëtarëve të Kosovës i është drejtuar Komisionit Evropian me kërkesën për nisjen e një hetimi dhe largimin e zyrtarëve përgjegjës për interpretimin e këngës serbe “Oj Kosovo, Kosovo” gjatë Forumit të Zgjerimit të Bashkimit Evropian në Bruksel.

Letra zyrtare, e adresuar presidentes së Komisionit Evropian dhe komisioneres për Zgjerim, kërkon sqarime për interpretimin instrumental të këngës në koncertin që hapi forumin më 15 nëntor.

Të lidhura

None found

Me shkresën me numër protokolli 08-11/2026, Shoqata ka kundërshtuar përfshirjen e kësaj melodie në repertor, duke argumentuar se teksti i saj përmban pretendime territoriale të Serbisë ndaj Kosovës.

Sipas raportimeve publike dhe dëshmive të pjesëmarrësve, kënga u luajt në pjesën e programit që i kushtohej Kosovës.

Shoqata thekson se mungesa e tekstit nuk e zhvesh interpretimin instrumental nga ngarkesa e tij politike dhe historike.

“Kosova nuk mund të lihet jashtë vëmendjes në diskutimet për të ardhmen evropiane dhe njëkohësisht të përfaqësohet përmes simbolikës që mohon shtetësinë dhe identitetin e saj”, thuhet në letrën e dërguar Komisionit Evropian.

Sipas Shoqatës, nuk mjafton vetëm shprehja e keqardhjes apo justifikimi se repertori ishte zgjedhur nga grupi muzikor.

Ajo kërkon që Komisioni Evropian të shpjegojë në mënyrë të detajuar se si u hartua, verifikua dhe mbikëqyr programi i aktivitetit.

Një ndër kërkesat kryesore është zhvillimi i një hetimi të plotë administrativ, transparent dhe të dokumentuar, me qëllim identifikimin e përgjegjësive individuale dhe institucionale.

Shoqata kërkon gjithashtu shkarkimin nga detyrat zyrtare të personave që rezultojnë përgjegjës për veprimet ose mosveprimet që çuan në këtë incident.

Ndër masat e kërkuara përfshihen publikimi i dokumenteve që lidhen me përzgjedhjen dhe miratimin e repertorit, kërkimfalja publike ndaj qytetarëve të Kosovës dhe marrja e hapave konkretë për të shmangur përsëritjen e ngjarjeve të tilla.

Shoqata nënvizon se pretendimet territoriale dhe projektet nacionaliste në rajon kanë sjellë pasoja të përgjakshme, ndaj u kërkon institucioneve evropiane të jenë më të vetëdijshme për rrezikun e tolerimit të këtyre narrativave.

Komisionit Evropian i është kërkuar që për secilën prej pikave të paraqitura të japë një përgjigje të argumentuar brenda 15 ditëve pune nga marrja e letrës.

“Orientimi ynë drejt Evropës e bën edhe më të fortë kërkesën për llogaridhënie. Respekti për institucionet evropiane duhet të shoqërohet nga respekti i tyre për Kosovën dhe qytetarët e saj”, thuhet në përfundim të reagimit.

Shoqata e Shkencëtarëve të Kosovës ka bërë të ditur se do ta ndjekë çështjen përmes komunikimit me institucionet dhe informimit të publikut.

të fundit

Rama për modelin e ri të prokurimeve: Diella ndihmon bizneset, ulje kostosh dhe më pak burokraci

Kryeministri Edi Rama është i pranishëm në prezantimin e modelit të ri Prokurimeve të Përqendruara, tashmë një model i fokusuar…

13 minutes ago

Krasniqi kërkon shpjegime pasi Kosova nuk u shfaq në hartën e një mekanizmi evropian

Mungesa e Kosovës në hartën e paraqitur gjatë prezantimit të një mekanizmi evropian ka nxitur reagimin e prsidentit të Agjencisë…

14 minutes ago

National Security Agency and Public Security Bureau disrupt an Iranian proxy network in Macedonia suspected of plotting an assassination in Greece

Agjencia për Siguri Kombëtare (ASK) dhe Byroja për Siguri Publike (BSP) pranë Ministrisë së Punëve të Brendshme, në bashkëpunim me…

26 minutes ago

Haziri on the new ruling in The Hague: Europe considers Kosovo incapable of ensuring justice

Deputeti i LDK-së, Lutfi Haziri, ka reaguar përmes një postimi në Facebook lidhur me zhvillimet e fundit në Dhomat e…

26 minutes ago

Fadil Fazliu to be released after The Hague ruling, son’s message: Ideals cannot be defeated by prison

Gjykata Speciale në Hagë ka dënuar Fadil Fazliun me 12 muaj burgim në rastin që lidhet me pengimin e drejtësisë.…

26 minutes ago

Limaj calls for institutional response after Hashim Thaçi’s sentencing in The Hague

Kryetari i Nismës Socialdemokrate, Fatmir Limaj, ka reaguar pas aktgjykimit të Gjykatës Speciale në Hagë ndaj ish-presidentit Hashim Thaçi, duke…

26 minutes ago