Categories: kosovë

Jagxhiu dhe drejtuesja e CEFTA-s diskutojnë digjitalizimin e tregtisë dhe bashkëpunimin rajonal

Gjatë pjesëmarrjes në Samitin Digjital të Ballkanit Perëndimor, që po zhvillohet në Herceg Novi të Malit të Zi, ministri Lulëzon Jagxhiu u takua me drejtoreshën e Sekretariatit të CEFTA-s, Pranvera Kastrati, dhe anëtarët e ekipit të saj.

Takimi kishte në qendër thellimin e bashkëpunimit për zbatimin e Planit të Veprimit për Tregun e Përbashkët Rajonal (CRM), veçanërisht në fushën e ekonomisë digjitale.

Të lidhura

None found

Një nga temat kryesore ishte shkëmbimi elektronik i të dhënave mes doganave dhe autoriteteve kufitare të vendeve të rajonit dhe Bashkimit Evropian përmes sistemit SEED+. Po ashtu, u diskutua mundësia e përfshirjes së shërbimeve të besuara të Kosovës në listën evropiane të shërbimeve të besuara të vendeve të treta, si dhe politikat dhe kuadri rregullativ për tregtinë elektronike.

Jagxhiu bëri të ditur përmes një postimi në Facebook se gjatë takimit u trajtuan edhe zhvillimet e fundit në Kosovë, përfshirë ratifikimin e marrëveshjes për projektin e Lehtësimit të Tregtisë dhe Transportit në Ballkanin Perëndimor (TTFP 2.0), i financuar nga Banka Botërore.

Projekti parashikon krijimin e Dritares së Vetme Kombëtare (National Single Window) dhe zbatimin e Sistemit të Ri të Kompjuterizuar të Transitit (NCTS). Sipas Jagxhiut, këto mekanizma do të ndihmojnë në digjitalizimin dhe thjeshtimin e procedurave tregtare e doganore, ndërsa do të rrisin edhe ndërveprueshmërinë me sistemet rajonale dhe evropiane.

Ministri theksoi se bashkëpunimi në këto fusha është i rëndësishëm për lehtësimin e tregtisë, reduktimin e barrës administrative për bizneset dhe ndërtimin e një tregu rajonal më të integruar, në përafrim me Tregun e Vetëm të BE-së.

Ai deklaroi se angazhimi do të vijojë për avancimin e këtyre proceseve, forcimin e bashkëpunimit rajonal dhe përafrimin e mëtejshëm të Kosovës me standardet dhe praktikat evropiane në fushën e transformimit digjital.

të fundit

Sistemet e inteligjencës artificiale do të godisnin shkollat, mjekët ndihmës dhe civilët pa ngurrim, konstaton një hulumtim

Kur inteligjenca artificiale përdoret në zbulimin ushtarak dhe proceset e gjetjes së objektivave, shumë varet nga dy faktorë: A i…

13 minutes ago

Kusari: Zonat Eko-Industriale, mundësi për të tërhequr kompanitë finlandeze

Ministrja e Tregtisë dhe Industrisë, Mimoza Kusari ka pritur në një takim pune ambasadoren e Finlandës në Kosovë, Eevamari Laaksonen,…

14 minutes ago

Rishikohet ligji për praktikat e padrejta tregtare, gjoba deri në 200 mijë euro – paralajmëron Durmishi

Ministri i Ekonomisë, Besar Durmishi, ka paralajmëruar ndryshime në Ligjin për ndalimin e praktikave të padrejta tregtare, me të cilat…

17 minutes ago

FFK paralajmëron tri investime të reja në Gjilan për stadiume dhe fusha sportive

Kryetari i Federatës së Futbollit të Kosovës (FFK), Agim Ademi, ka bërë të ditur se në Gjilan do të realizohen…

19 minutes ago

Aro Muric rrezikon largimin nga Sassuolo, klubi italian vlerëson ndërhyrje te portierët në janar

Sassuolo është duke shqyrtuar mundësinë e ndryshimeve në repartin e portierëve gjatë afatit kalimtar dimëror, ndërsa në mesin e futbollistëve…

20 minutes ago

Nis funksionimi i sistemit të pagesave të shpejta në Kosovë

Kryeministri i Republikës së Kosovës, Albin Kurti, mori pjesë në lansimin e Sistemit të Pagesave të Shpejta nga Banka Qendrore…

25 minutes ago