Categories: kosovë

Ismaili priti ambasadorin e ri të BE-së në Kosovë: BQK-ja po përgatit aplikimin për SEPA

Ahmet Ismaili, guvernator i Bankës Qendrore të Kosovës (BQK), u takua me Dirk Schübelin, ambasadorin e ri të Bashkimit Evropian në Kosovë.

Me këtë rast, Ismaili e përgëzoi Schübelin për detyrën e re dhe falënderoi BE-në për përkrahjen e vazhdueshme në zhvillimin ekonomik e financiar të Kosovës, zbatimin e reformave institucionale dhe përafrimin me standardet evropiane.

Të lidhura

None found

Gjatë bisedës, guvernatori paraqiti ecurinë e sektorit financiar, duke nënvizuar qëndrueshmërinë dhe kontributin e tij në zhvillimin ekonomik. Ai foli edhe për zbatimin e Planit Strategjik të BQK-së, përparimin në kuadrin ligjor e rregullativ, mbikëqyrjen financiare dhe ngritjen e kapaciteteve institucionale, në përputhje me standardet dhe praktikat më të mira evropiane.

Sipas njoftimit, një pjesë e rëndësishme e takimit iu kushtua integrimit të Kosovës në Zonën Unike të Pagesave në Euro (SEPA) dhe përditësimit të infrastrukturës së pagesave. Ismaili dhe zëvendësguvernatori Dardan Fusha informuan ambasadorin për hapat e ndërmarrë për të përmbushur kriteret ligjore e teknike të aplikimit. Mes tyre janë miratimi i ndryshimeve ligjore kundër pastrimit të parave dhe financimit të terrorizmit, si dhe masat për të luftuar falsifikimin e parasë e për të ruajtur integritetin e euros. BQK-ja, u tha në takim, ndodhet në fazën përfundimtare të përgatitjeve për të përmbyllur hapat e aplikimit pranë Këshillit Evropian të Pagesave (EPC), në bashkërendim me institucionet përkatëse të BE-së.

Po ashtu, u shqyrtua projekti TIPS Clone për zhvillimin e pagesave të shpejta, si pjesë e reformave që synojnë modernizimin e shërbimeve të pagesave dhe përafrimin e tyre me infrastrukturën evropiane.

Ismaili tha se anëtarësimi në SEPA dhe përparimi drejt sistemeve evropiane të pagesave janë përparësi strategjike për BQK-në, si dhe hapa të rëndësishëm drejt integrimit financiar e ekonomik të Kosovës me BE-në. Synimi është që qytetarët dhe bizneset të përfitojnë nga pagesa ndërkufitare më të shpejta, më të sigurta dhe me kosto më të ulët.

Diskutimet përfshinë gjithashtu integritetin e sistemit financiar, sigurinë kibernetike, mbrojtjen e konsumatorëve dhe zgjerimin e qasjes në shërbimet financiare. Guvernatori shprehu mirënjohje për ndihmën dhe bashkëpunimin e institucioneve të BE-së, Bankës Qendrore Evropiane dhe bankave qendrore të Eurosistemit në zbatimin e reformave dhe forcimin e kapaciteteve të BQK-së.

Ambasadori Schübel, nga ana e tij, rikonfirmoi përkushtimin e BE-së për ta mbështetur Kosovën në reforma dhe në rrugën e integrimit evropian. Kjo përfshin edhe procesin e anëtarësimit në SEPA, përafrimin e legjislacionit me standardet evropiane dhe zhvillimin e mëtejshëm të sektorit financiar.

Në mbyllje të takimit, palët u shprehën të gatshme të thellojnë bashkëpunimin institucional dhe koordinimin për përmbushjen e synimeve të përbashkëta, duke u përqendruar te stabiliteti financiar, modernizimi i sistemeve të pagesave dhe integrimi financiar i Kosovës në Bashkimin Evropian.

të fundit

Sistemet e inteligjencës artificiale do të godisnin shkollat, mjekët ndihmës dhe civilët pa ngurrim, konstaton një hulumtim

Kur inteligjenca artificiale përdoret në zbulimin ushtarak dhe proceset e gjetjes së objektivave, shumë varet nga dy faktorë: A i…

13 minutes ago

Kusari: Zonat Eko-Industriale, mundësi për të tërhequr kompanitë finlandeze

Ministrja e Tregtisë dhe Industrisë, Mimoza Kusari ka pritur në një takim pune ambasadoren e Finlandës në Kosovë, Eevamari Laaksonen,…

14 minutes ago

Rishikohet ligji për praktikat e padrejta tregtare, gjoba deri në 200 mijë euro – paralajmëron Durmishi

Ministri i Ekonomisë, Besar Durmishi, ka paralajmëruar ndryshime në Ligjin për ndalimin e praktikave të padrejta tregtare, me të cilat…

17 minutes ago

FFK paralajmëron tri investime të reja në Gjilan për stadiume dhe fusha sportive

Kryetari i Federatës së Futbollit të Kosovës (FFK), Agim Ademi, ka bërë të ditur se në Gjilan do të realizohen…

20 minutes ago

Aro Muric rrezikon largimin nga Sassuolo, klubi italian vlerëson ndërhyrje te portierët në janar

Sassuolo është duke shqyrtuar mundësinë e ndryshimeve në repartin e portierëve gjatë afatit kalimtar dimëror, ndërsa në mesin e futbollistëve…

20 minutes ago

Nis funksionimi i sistemit të pagesave të shpejta në Kosovë

Kryeministri i Republikës së Kosovës, Albin Kurti, mori pjesë në lansimin e Sistemit të Pagesave të Shpejta nga Banka Qendrore…

25 minutes ago