Ditën e djeshme një moment kur një tifoz i hedh në shpatulla Shaqirit një xhup me fanellën e UÇK-së teksa ky i fundit ishte duke folur për mediat pas fitores ndaj Irlandës është bërë viral.
Policia zvicerane e ka marrë në pyetje dhe ia ka ndaluar hyrjen në stadium një tifozit.
None found
Federata e Futbollit e Zvicrës (SFV), e cila e lartësoi Shaqirin për mënyrën se si u përgjigj gjatë këtij incidenti, njoftoi të dielën se tifozi në fjalë është marrë në pyetje nga policia dhe atij i është ndaluar hyrja në stadium.
Por SFV-ja nuk ka dhënë hollësi për shkallën e ndalesës dhe identitetin e tifozit në fjalës.
“Fajtori u mor në pyetje nga policia dhe atij i është ndaluar hyrja në stadium”, thuhet në një shkrim të SFV-së në Twitter.
Shtëpia e futbollit zviceran e ka quajtur të papranueshme dhe propagandë politike veprimin e tifozit për t’ia vendosur Xherdan Shaqiri mbi supe një xhaketë me emblemë të UÇK-së .
Shaqiri ishte duke folur për televizionin publik zviceran kur papritmas u shfaq një tifoz dhe ia vuri mbi shpatulla xhaketën e cila kishte simbole të dukshme të UÇK-së. 30-vjeçari qëndroi i qetë dhe duke buzëqeshur e largoi nga supet menjëherë xhaketën.
Shaqiri – i lindur në Gjilan – i ka bërë 97 paraqitje për Zvicrën në të gjitha garat, duke kontribuuar me 26 gola. Ai është golashënuesi më i mirë në historinë e Zvicrës në turne të mëdha (Botëror e Evropian) me 7 gola.
“Është e papranueshme që njerëzit duan t’i keqpërdorin stadiumet e futbollit dhe në këtë rast intervistën e një futbollisti pas ndeshjes për propagandë politike”, thuhet në reagimin e SFV-së.
“Xherdan Shaqiri reagoi në mënyrë shembullore, qëndroi i qetë dhe nuk iu kundërvë”, thuhet tutje në reagim.
Veprimi i tifozit të shtunën shkaktoi shumë polemika në Zvicër dhe i bëri mediat serbe të reagojnë duke kërkuar dënim nga UEFA për federatën zvicerane
Shaqiri u rikthye në Kombëtaren e Zvicrës dhe luajti 90 minuta në fitoren 2:0 ndaj Irlandës Veriore, pasi kishte munguar në tri ndeshjet e shtatorit.
Sulmet izraelite në Rripin e Gazës vranë të paktën gjashtë persona, përfshirë një vajzë 9-vjeçare, thanë të martën zyrtarët palestinezë…
Ka përfunduar edhe këtë të diel protesta qytetare kundër qeverisë. Mijëra qytetarë u grumbulluan fillimisht në Sheshin “Skënderbej”, ku disa…
Numri i të vdekurve nga tërmeti i datës 24 qershor në Venezuelë u rrit në 4.490, njoftoi sot kryetari i…
Një i ri ka marrë fjalën përpara protestuesve te Kryeministria, duke hedhur akuza të rënda lidhur me fondet publike që…
Kryeministri Edi Rama deklaroi se Shqipëria ka interes që marrëdhëniet mes popujve shtetformues në Maqedoninë e Veriut të jenë vëllazërore,…
Dashi Dita nis me ritëm të lartë dhe kërkon veprim. Hëna është në pozicion mbështetës dhe ndihmon për të marrë…