Categories: kosovë

Haxhiu shpreson për marrëveshje VV-LDK gjatë javës së ardhshme

Deputetja e Vetëvendosjes, Albulena Haxhiu, beson se gjatë javës së ardhshme mund të arrihet marrëveshja mes VV-së dhe LDK-së për konstituimin e Kuvendit.

Të lidhura

None found

“Jam optimiste se do të kemi rezultate pozitive. Tani presim që kjo të konfirmohet nga Lëvizja Vetëvendosje, përkatësisht nga kryetari i saj, kryeministri Albin Kurti, si dhe nga kryetari i LDK-së, zoti Lumir Abdixhiku”, deklaroi Haxhiu.

Ajo i bëri këto komente sot, gjatë homazheve në Memorialin e Personave të Zhdukur, në Ditën Ndërkombëtare të Personave të Zhdukur me Dhunë.

U.D. presidentja e Kosovës theksoi se përmbyllja e marrëveshjes duhet të ndodhë sa më shpejt, në mënyrë që institucionet të ecin përpara.

“Shpresoj që marrëveshja të përmbyllet sa më parë, sepse përgjegjësitë që kemi kërkojnë përparim të mëtejshëm. Në mesin e tyre janë reformat që duhet të vazhdojnë dhe obligimet që lidhen me rrugën drejt anëtarësimit në Bashkimin Evropian, Këshillin e Evropës, NATO, si dhe në mekanizma të tjerë. Uroj që java e ardhshme të jetë vendimtare për procesin e mëtejshëm”, tha ajo.

Ndërkohë, kryetari i Lëvizjes Vetëvendosje, Albin Kurti, është takuar sërish mbrëmë me kreun e LDK-së, Lumir Abdixhiku.

Pas takimit, Kurti la të kuptohej se palët ende nuk kanë arritur marrëveshje për një emër konsensual për presidentin.

Kuvendi i Kosovës vazhdon të mbetet i pakonstituuar, pasi në dy përpjekjet e deritanishme nuk është zgjedhur kryetari i Kuvendit dhe nuk është përmbyllur procesi i konstituimit të Legjislaturës së 11-të, zgjedhjet për të cilën u zhvilluan më 7 qershor.

Seanca konstituive vijon të jetë pjesë e përplasjes mes partive parlamentare, ndërsa mosformimi i institucioneve po e thellon krizën politike në vend. Kryeministri në detyrë, Albin Kurti, ka kërkuar kohë për të siguruar një marrëveshje politike, me synimin për t’i hapur rrugë konstituimit të Kuvendit dhe krijimit të institucioneve të reja. Në anën tjetër, Partia Demokratike e Kosovës dhe Aleanca kanë vazhduar aksionet politike, duke kërkuar që të mbahet seanca konstituive.

të fundit

Novitec transformon Ferrari 12Cilindri me karroceri më të gjerë dhe aerodinamikë të avancuar

Kompania gjermane Novitec ka prezantuar një version të modifikuar të Ferrari 12Cilindri, duke i dhënë modelit italian karroceri më të…

3 minutes ago

Dosja “Balluku” shkon në gjyq/ Andi Bushati: SPAK u tërhoq, për të mos i hapur andralla Ramës

Analisti Andi Bushati, i ftuar në emisionin "Të Paekspozuarit" në Vizion Plus, deklaroi se me hetimet për Ballukun, SPAK e…

7 minutes ago

Kamberi: Kosova ka individualitete të forta, por duhet të forcojë lojën si ekip

Mbrojtësi i Kosovës, Lindrit Kamberi, ka folur pas humbjes 3-0 nga Republika e Irlandës, duke theksuar se “Dardanët” kanë potencial…

11 minutes ago

Anjeza rrëfen ndjenjat për të dashurin: “E dua si sytë e mi

"E dua sikur sytë e mi" – Anjeza emocionon me fjalët për të dashurin [...]Read More...

15 minutes ago

Olechka: Nëse Fuego largohet, nuk do ta ndjek më BBVK5

Deklaratë e fortë nga Olechka: Nëse del Fuego nuk e shikoj më BBVK5 [...]Read More...

15 minutes ago

Olechka zbulon në “Big Cast” nëse do ta presë Fuegon jashtë shtëpisë

A do ta presë Fuegon jashtë shtëpisë? Olechka flet në "Big Cast" për raportin e tyre [...]Read More...

16 minutes ago