Halil Geci akuzon Arian Tahirin: Kush e dobësoi Kosovën pas Pavarësisë?

Halil Geci ka reaguar ashpër ndaj një deklarate të zyrtarit të PDK-së, Arian Tahiri. Analisti e akuzon atë se flet për shpalljen e Pavarësisë së Kosovës, ndërsa anashkalon përgjegjësitë për ngjarjet që, sipas Gecit, pasuan vitin 2008.

Përmes një postimi në rrjetet sociale, Geci i është drejtuar Tahirit me gjuhë të rëndë dhe ka kërkuar të dihet se kush, sipas tij, e minoi shtetin nga brenda dhe i vendosi atij “minat”.

Në reagim renditen disa nga çështjet më të diskutuara politike të periudhës së pasluftës: Asociacioni i komunave me shumicë serbe, marrëveshjet e kufirit me Malin e Zi dhe Maqedoninë e Veriut, si dhe themelimi i Gjykatës Speciale.

Geci shkruan se “Lopari i Mitrovicës” po u tregon qytetarëve se kush e shpalli Pavarësinë e Kosovës, por jo se kush e dëmtoi shtetin dhe e minoi atë nga brenda.

Ai parashtron akuza dhe pretendime të rënda kundër figurave të ish-udhëheqjes politike, ndërsa kërkon përgjigje se cilët persona, sipas tij, përkrahën nisma për ndarjen e Kosovës dhe cenimin e tërësisë së saj territoriale.

Në shkrim përmenden edhe pretendimet për pagesa ndaj lobuesit amerikan James Rubin. Geci kërkon sqarimin e rolit të individëve të caktuar në këto zhvillime, por në reagimin e tij nuk paraqet prova të reja për këto pretendime, të cilat janë ngritur ndër vite në kuadër të akuzave politike.

Analisti kundërshton gjithashtu marrëveshjet që lidhen me mbrojtjen e objekteve fetare serbe, për të cilat pretendon se kanë dëmtuar interesat e Kosovës.

Gjykata Speciale zë po ashtu një vend të rëndësishëm në reagimin e tij. Geci pyet se kush e krijoi këtë institucion dhe për çfarë arsye ish-drejtuesit e UÇK-së, sipas tij, dhanë mbështetjen e tyre.

Ai pyet, duke përdorur termin “zagari”, përse “Polari” e themeloi Gjykatën Speciale dhe pse mori me vete edhe shokët që i kishin besuar.

Në përfundim, Geci kërkon që diskutimi politik të mos përqendrohet vetëm te kontributi i individëve në shpalljen e Pavarësisë, por të trajtojë edhe përgjegjësinë për gjithçka që ndodhi më pas.

Sipas tij, përpara se Tahiri të japë leksione mbi Pavarësinë, duhet të tregojë edhe historinë e zhvillimeve pas saj, pasi qytetarët duan të dinë jo vetëm se kush e shpalli Pavarësinë, por edhe se kush e minoi dhe e dobësoi shtetin, si dhe kush përfitoi prej tij.

Shkrimi i plotë:

ZYRTARI I PDK-SË FLET PËR SHPALLJEN E PAVARËSISË, POR HESHT PËR ATA QË E MINUAN SHTETIN!

Ky “Lopari i Mitrovicës” po shpjegon se kush e shpalli Pavarësinë e Kosovës, por nuk thotë se kush i vendosi mina shtetit dhe e dëmtoi atë nga brenda.

Ai nuk tregon se kush e ndërmori hapin fillestar drejt shkëputjes së Zajednicës me kompetenca ekzekutive, kush i shndërroi 10 fshatra me rreth 2 mijë banorë secili në komuna me shumicë serbe dhe kush përdori para të fondit shtetëror për të lobuar në favor të ndarjes dhe dëmtimit të integritetit territorial të Kosovës.

“Zagari” nuk shpjegon as përse, bazuar në akuzat e bëra gjatë viteve, Polari e paguante Xhems Rubinin nga 52 mijë euro në muaj që ta ndihmonte projektin për ndarjen e Kosovës.

Po kështu, ai nuk thotë se kush ia dha Serbisë 40 kisha shqiptare, duke u siguruar atyre mbrojtje juridike dhe status ekstraterritorial.

Pa përgjigje mbetet edhe pyetja se kush ia fali Malit të Zi 8.226 hektarë tokë, ndërsa Maqedonisë së Veriut rreth 3.000 hektarë.

Ky “zagar” nuk tregon se në shërbim të kujt ishte Polari kur, sipas akuzave të ngritura ndaj tij në Hagë, vrau me porosi atdhetarë të LDK-së. Kush ia jepte urdhrat?

Ai nuk sqaron as arsyen përse Polari e krijoi Gjykatën Speciale dhe përse i mori me vete shokët që kishin besim tek ai.

Mbi të gjitha, “zagari” nuk tregon se në çfarë mënyre Polari dhe njerëzit përreth tij u shndërruan në multimilionerë dhe miliarderë.

Pse “zagari” nuk flet për rolin që ju dhe gjeneralët e Hashimit keni pasur në tërë këto zhvillime? Përse keni lehur dhe vazhdoni të lehni pa pushim nga koliba e Serbisë në favor të saj, kur veprimet tuaja janë parë qartë se u shërbejnë interesave të kundërshtarit?

Për këtë arsye, përpara se të japësh leksione për Pavarësinë, rrëfe edhe çfarë ndodhi pasi ajo u shpall.

Qytetarët nuk kërkojnë të mësojnë vetëm emrin e atij që shpalli Pavarësinë.

Ata duan të dinë gjithashtu se kush e minoi shtetin, kush e dobësoi atë dhe kush nxori përfitime prej tij.

Prandaj bëj kujdes, Arian Tahir, o “zagar”! Ti nuk je askush tjetër veçse një fëmijë i mjerë që leh në të mirë të Serbisë, duke shfrytëzuar atë pak pushtet që ta ka dhënë PDK-ja.