Gjykata Themelore në Prishtinë ka vendosur që drejtori i Spitalit të Përgjithshëm në Mitrovicë, Gëzim Berisha, të mbahet një muaj në arrest shtëpiak. Ai dyshohet për veprën penale të dhunës në familje.
Gjykata nuk e aprovoi kërkesën e Prokurorisë Themelore në Prishtinë për caktimin e paraburgimit, duke e cilësuar atë të pabazuar.
None found
Sipas njoftimit të gjykatës, arresti shtëpiak konsiderohet masë e mjaftueshme për të ulur rrezikun e përsëritjes së veprës, për të mbrojtur të dëmtuarën dhe për të mundësuar zhvillimin e rregullt të procedurës penale.
Në arsyetimin e saj, gjykata bëri të ditur se plotësohen kushtet për caktimin e kësaj mase ndaj të pandehurit G.B. dhe se ajo mjafton për të parandaluar përsëritjen e veprës, për të mbrojtur të dëmtuarën dhe për të garantuar vijimin e rregullt të procesit penal.
Vendimi, sipas gjykatës, merr parasysh se i pandehuri dhe e dëmtuara nuk jetojnë më së bashku si familje. Arresti shtëpiak është caktuar në një pronë ku e dëmtuara nuk banon, në mënyrë që të shmanget kontakti i drejtpërdrejtë mes tyre.
Stacioni Policor në Vushtrri është ngarkuar me zbatimin e masës dhe kontrollin e respektimit të saj. Nëse Berisha nuk e zbaton vendimin, policia duhet ta njoftojë menjëherë gjyqtaren e procedurës paraprake.
Para vendimit të gjykatës, Prokuroria e kishte ndaluar për 48 orë drejtorin e spitalit, nën dyshimin për dhunë në familje.
Ndalimin e konfirmoi Kaltrina Shala, zëdhënëse e Prokurorisë Themelore në Prishtinë, e cila tha se ai ishte kryer me urdhër të prokurorit kujdestar.
Shala kishte njoftuar se personi me inicialet G.B. ishte ndaluar për 48 orë, pasi dyshohej për kryerjen e veprës penale “Dhuna në familje”.
Ajo shtoi se Prokurori i Shtetit po ndërmerrte veprimet e nevojshme hetimore për të sqaruar plotësisht rrethanat e rastit.
Teuta vajzaDitën e sotme, është mbyllur java e 8-të në Abissnet Superiore për vajza me ndeshjet Teuta – Apolonia dhe…
Supersfida mes Atalantas dhe Interit ka përfunduar në “paqe”, me dy skuadrat italiane që kanë arkëtuar nga një pikë.Përballja ishte…
Paris Saint-Germaini ka nisur kërkimet për një përforcim në repartin ofensiv për afatin kalimtar të janarit, pasi drejtori sportiv Luis…
Kryeministri Edi Rama gjatë vizitës së tij në Manastir, në Europe House, pati edhe një takim me të rinjtë nga…
Një 31-vjeçare me origjinë shqiptare ka humbur jetën në një aksident të rëndë automobilistik në Itali, ndërsa tre fëmijë që…
Durim Halilaj, anëtar i Kryesisë së Aleancës, ka reaguar lidhur me rritjen e borxhit të familjeve në Kosovë përmes mbitërheqjeve…