Categories: kosovë

Gacaferi: PDK-ja po e çon vendin drejt zgjedhjeve të reja për të dobësuar Kurtin

Anëtari i Lëvizjes Guxo, Luan Gacaferi, ka komentuar krizën politike në Kosovë, duke e akuzuar opozitën se, përmes bllokimit të institucioneve, po krijon rrethana që mund ta çojnë vendin sërish në zgjedhje.

Të lidhura

None found

Duke iu referuar pasojave të zgjedhjeve të 9 shkurtit 2025, Gacaferi ka thënë se opozita e bashkuar e kishte shtyrë vendin drejt zgjedhjeve të 27 dhjetorit të po atij viti, me pritjen se përkrahja për Albin Kurtin do të binte nën 40 për qind.

Megjithatë, sipas tij, ky parashikim nuk u realizua, pasi Kurti arriti të marrë mbi 51 për qind të votave në zgjedhjet e dhjetorit.

“Më 27 dhjetor 2025 opozita e bashkuar e dërgoi vendin në zgjedhje me bllokadë, pas zgjedhjeve të 9 shkurtit 2025, me shpresën se do ta zbresin Albinin nën 40 për qind! Por dështuan turpshëm sepse Albini në dhjetor të 2025 i fitoi mbi 51 për qind!”, ka shkruar Gacaferi.

Ai ka rikthyer në vëmendje edhe qëndrimin e Lidhjes Demokratike të Kosovës pas zgjedhjeve të 7 qershorit 2026, duke e kritikuar këtë subjekt për vendimin dhe qasjen e ndjekur.

Gacaferi pretendon se LDK-ja hyri në atë proces me shpresën se rezultati i Kurtit do të ulej, ndërsa vetë do të siguronte më shumë se 25 për qind të votave.

“Më 7 qershor 2026, LDK e dërgoi vendin prapë në zgjedhje me bllokadën e saj, duke menduar se me Vjosa Osmanin, do e zbresin Albinin nën 40 për qind e LDK do kap mbi 25 për qind! Por prapë dështoi turpshëm LDK-ja”, ka deklaruar ai.

Sipas tij, edhe pozicioni që PDK-ja po mban aktualisht mund të prodhojë një tjetër krizë dhe ta çojë Kosovën në zgjedhje gjatë muajit dhjetor.

Gacaferi ka vlerësuar se PDK-ja mund të llogarisë që zhvillimet lidhur me ish-presidentin Hashim Thaçi të ndikojnë në rezultatin e ardhshëm zgjedhor dhe të dobësojnë mbështetjen për Kurtin.

“Tani PDK me bllokadën e saj, do që prapë ta dërgojë vendin në zgjedhje në dhjetor të këtij viti, me shpresën se lirohet Hashim Thaçi nga burgu i Hagës, e kështu do ta zbresin Albinin nën 40 për qind! Por edhe PDK do të dështojë edhe më keq, me apo pa Hashimin!”, ka shkruar Gacaferi.

Në përmbyllje, ai ka thënë se rënia e mbështetjes së Kurtit nën 40 për qind mund të vijë vetëm nga vetë Kurti, duke argumentuar se forca e tij lidhet edhe me dobësinë e kundërshtarëve politikë.

“Albinin zbret nën 40 për qind, vetëm Albini dhe askush tjetër që ecën me dy këmbë mbi këtë tokë! Ndoshta edhe jo pse Albini është shumë i fortë, por opozita është shumë e dobët”, ka përfunduar Gacaferi.

të fundit

Dorëheqja e Jensen Huang trondit Nvidia-n: dyshimet për spiunazh zbulojnë çështje më të mëdha

Dorëheqja e Jensen Huang nga drejtimi i gjigantit amerikan të teknologjisë Nvidia, pas raportimeve për disa marrëdhënie jashtëmartesore, përfshirë një…

6 minutes ago

Liga e Kombeve ka shtatë çerekfinalistë, Danimarka dhe Norvegjia vendosin biletën e fundit

Shtatë nga tetë çerekfinalistët e Ligës së Kombeve për edicionin 2026/27 tashmë janë përcaktuar. Pas ndeshjeve të së hënës, Gjermania…

7 minutes ago

36-year-old firefighter dies after falling from a cliff while hiking in Missouri

Një ngjarje tragjike ka tronditur komunitetin në Misuri të SHBA-së, ku një zjarrfikëse 36-vjeçare ka humbur jetën pasi ka rënë…

16 minutes ago

19-year-old avoids prison after harassing four recruits in the British Royal Navy

Një ngjarje skandaloze ka tronditur Marinën Mbretërore Britanike. [...] Read More... The post Ngacmoi katër rekrute në Marinën Mbretërore britanike,…

16 minutes ago

Abel Núñez, 16-vjeçari i FC Ezeiza, humb jetën pas goditjes me top në kokë

Një ngjarje tragjike ka tronditur futbollin argjentinas. Abel Núñez, futbollist vetëm 16-vjeçar i FC Ezeiza, ka ndërruar jetë të dielën,…

19 minutes ago

Agim Ademi takon fëmijët e diasporës në Skoci: Talentet ta ndiejnë Kosovën si shtëpinë e tyre

Presidenti i Federatës së Futbollit të Kosovës, Agim Ademi, ka ndarë momente të veçanta me fëmijët e bashkatdhetarëve shqiptarë në…

31 minutes ago