Familja e Haki Imerit mbështet bashkëpunimin LVV-LDK dhe propozon garim të përbashkët në zgjedhje

Familja e veprimtarit Haki Imeri e ka vlerësuar si zhvillim shpresëdhënës për qytetarët e Kosovës bashkëpunimin ndërmjet LVV-së dhe LDK-së për krijimin e institucioneve.

Në reagimin e saj, familja ka përgëzuar Lumir Abdixhikun për përpjekjet për rikthimin e frymës rugovjane në LDK, duke deklaruar gjithashtu mbështetjen për Bekim Sejdiun si kandidat për President të Kosovës.

Sipas tyre, çdo nismë politike që ndihmon shtetndërtimin dhe të ardhmen e qytetarëve duhet të vlerësohet, ndërsa bashkëpunimi institucional mes LDK-së dhe LVV-së shihet si rruga e duhur për forcimin e LDK-së dhe garantimin e institucioneve stabile.

Familja e ka cilësuar Bekim Sejdiun si një personalitet të rëndësishëm të Kosovës, që meriton të zgjidhet Presidenti i ardhshëm i vendit.

Ata kanë thënë se marrëveshja mes LDK-së dhe LVV-së për ndërtimin e institucioneve është një lajm jashtëzakonisht shpresëdhënës për qytetarët e Kosovës, ndërsa e kanë quajtur lajm të hidhur për armiqtë.

Në reagim është përmendur edhe koalicioni i quajtur “vëllazërim bashkimi”, i përbërë nga PDK, AAK, Lista Serbe dhe Fatmir Sheholli me bashkëpunëtorë, duke u shtruar skenari nëse vendi do të dërgohej në zgjedhje.

Në përfundim, familja ka propozuar që LVV dhe LDK të lidhin koalicion dhe të garojnë së bashku në zgjedhje.