Dyert e Kuvendit mbeten të mbyllura, PDK-ja dhe Aleanca kërkojnë sërish seancën konstituive

Edhe këtë të diel, deputetët e PDK-së dhe të Aleancës hasën të mbyllura dyert e sallës së Kuvendit të Kosovës.

Ata kërkuan që seanca konstituive të thirret sa më parë, në mënyrë që, siç deklaruan, të mundësohet konstituimi i institucioneve të Republikës.

Arian Tahiri nga PDK-ja tha se vazhdimi i seancës dhe funksionalizimi i Kuvendit mund të bëhen brenda afatit 48-orësh të përcaktuar në rregulloren e punës së Kuvendit.

Nga ana tjetër, deputeti i Aleancës, Besnik Tahiri, deklaroi se detyra e tyre si përfaqësues të zgjedhur nga populli i Kosovës është jo vetëm mbrojtja e Kushtetutës.

Prej disa ditësh, PDK-ja dhe Aleanca po i kërkojnë partisë që doli e para në zgjedhjet e 7 qershorit ta thërrasë seancën konstituive.