Donika Kadaj-Bujupi: Kurti mund t’u kërkojë qytetarëve 80 deputetë pas bllokimit

Donika Kadaj-Bujupi, këshilltare e ish-presidentes Vjosa Osmani, ka reaguar ndaj deklaratave të disa deputetëve të LDK-së, të cilët kanë bërë të ditur se nuk do ta votojnë Bekim Sejdiun për president të Kosovës.

Në një reagim në Facebook, Kadaj-Bujupi e ka përshkruar si “destruktivitet” qasjen e LDK-së dhe të partive të tjera përballë një kandidature konsensuale.

Ajo ka shkruar se sjellja destruktive e LDK-së dhe subjekteve të tjera po arrin kulmin me refuzimin për të votuar një kandidat konsensual, ndonëse një zgjidhje e tillë ishte kërkuar me ngulm dhe ishte propozuar nga vetë LDK-ja. Sipas saj, pas kësaj situate, Albin Kurti gëzon legjitimitet të plotë që në zgjedhjet e ardhshme t’u kërkojë qytetarëve 80 deputetë.

Kadaj-Bujupi ka theksuar gjithashtu se, nëse konsensusi kërkohet vetëm që të kundërshtohet sapo të arrihet, atëherë është e arsyeshme të kërkohet një mandat që do ta kapërcente këtë bllokadë.