Deputeti i LDK-së: Thaçi do të zgjidhej president sonte me 100 vota

Ermal Sadiku, deputet i Lidhjes Demokratike të Kosovës, deklaroi se, pas aktgjykimit të sotëm të Dhomave të Specializuara, do t’i mblidhte që sonte të gjithë deputetët shqiptarë në Parlamentin e Republikës për ta zgjedhur Hashim Thaçin president të vendit.

Sipas tij, Thaçi do të merrte 100 vota, duke e cilësuar këtë si një përgjigje ndaj Gjykatës Speciale dhe Serbisë.

Në një postim në Facebook, Sadiku shkroi se sonte do t’i kishte bërë bashkë të gjithë deputetët shqiptarë dhe se Hashim Thaçi do të votohej me 100 vota për president të Republikës, në mënyrë që Gjykatës Speciale dhe Serbisë t’u tregohej se në emër të kujt po i marrin vendimet.

Deputeti i LDK-së reagoi pasi Dhomat e Specializuara shpallën fajtorë ish-presidentin Thaçi, Kadri Veselin, Rexhep Selimin dhe Jakup Krasniqin për krimet e luftës që përfshijnë arrestimin dhe ndalimin e paligjshëm ose arbitrar, trajtimin mizor, torturën dhe vrasjen e paligjshme.