Çitaku vendos kusht për tërheqjen e lëndëve: VV-ja të votojë Projektligjin për Specialen

Vlora Çitaku, Sekretarja e Përgjithshme e PDK-së, ka bërë të ditur se partia e saj mund t’i tërheqë nga Gjykata Kushtetuese lëndët që ka dorëzuar, nëse Lëvizja Vetëvendosje jep publikisht garanci se do ta votojë Projektligjin për ndryshimin dhe plotësimin e Ligjit për Dhomat e Specializuara.

Sipas Çitakut, një zotim publik i VV-së për këtë çështje është kushti që duhet të përmbushet para tërheqjes së lëndëve nga Gjykata Kushtetuese.

Në reagimin e saj, ajo ka deklaruar se, nëse LVV-ja zotohet publikisht ta votojë Projektligjin e dorëzuar sot për ndryshimin dhe plotësimin e Ligjit për Dhomat e Specializuara, merr përsipër mbulimin e plotë të shpenzimeve të mbrojtjes dhe e trajton këtë proces me përgjegjësinë e duhur shtetërore, PDK-ja është e gatshme t’i tërheqë lëndët nga Gjykata Kushtetuese qysh nesër.