Drejtori i Agjencisë për Parandalimin e Korrupsionit (APK), Yll Buleshkaj, ishte pjesë e konferencës ndërkombëtare KosovaPAR 2026, ku mori fjalën në panelin me temë “Integriteti, lufta kundër korrupsionit, mbikëqyrja dhe besimi publik në administratën publike”.
Gjatë fjalës së tij, Buleshkaj deklaroi se qytetarët nuk e ndërtojnë besimin ndaj institucioneve mbi bazën e premtimeve, por duke parë vendimet dhe veprimet konkrete të tyre.
None found
“Besimi i publikut nuk ndërtohet duke u kërkuar qytetarëve që t’u besojnë institucioneve. Ai ndërtohet kur institucionet dëshmojnë, përmes vendimeve dhe sjelljes së tyre, se e meritojnë këtë besim.” – Yll Buleshkaj
Ai nënvizoi se deklarimi dhe kontrolli i pasurisë, parandalimi i konfliktit të interesit dhe garantimi i mbrojtjes efektive për sinjalizuesit janë mjete të rëndësishme për rritjen e transparencës dhe llogaridhënies. Sipas tij, këto mekanizma nuk duhet të mbeten vetëm në nivelin e përmbushjes formale të detyrimeve ligjore, por duhet të prodhojnë rezultate të prekshme në luftën kundër korrupsionit dhe në përmirësimin e mënyrës së funksionimit të institucioneve.
Buleshkaj kërkoi gjithashtu krijimin e një klime institucionale ku shqetësimet të mund të raportohen pa frikë dhe të trajtohen me përgjegjësi. Në këtë kuadër, ai veçoi udhëheqjen e përgjegjshme, mbikëqyrjen e efektshme dhe zbatimin e paanshëm të ligjit.
Konferenca KosovaPAR 2026 u organizua nga Ministria e Digjitalizimit dhe Administratës Publike dhe u zhvillua më 28 dhe 29 tetor në Prishtinë. Tema e saj ishte “Vlera publike dhe e mira e përbashkët: njerëzit, besimi dhe digjitalizimi”.
Në kuadër të Ditës së Alfabetit, Presidenti i Republikës, Bajram Begaj, zhvilloi një bashkëbisedim me të rinj nga treva të…
Qytetarët mund të regjistrojnë fletobligacione nga emetimi i katërt deri më 1 dhjetor, në filialet dhe ekspoziturat e bankave afariste…
Në përfundim të Asamblesë së PS në Tiranë, kryeministri teksa ka dalë nga ambientet e Akademisë së Arteve është pritur…
Nesër regjim i posaçëm i komunikacionit në Strugë dhe Ohër, bllokime nga ora 06:00 deri në 17:00.SPB Ohër njofton se…
Nga fillimi i dhjetorit, sistemi i sofistikuar i videokontrollit „Qyteti i Sigurt“ (Safe City) zyrtarisht do të ketë një funksion…
Presidenti amerikan Donald Trump ka paralajmëruar një qëndrim të ashpër ndaj Iranit dhe kufizime të reja për kompanitë amerikane të…