Besnik Tahiri, nënkryetar i Aleancës, ka reaguar ndaj aktgjykimit dënues për Hashim Thaçin, Kadri Veselin, Rexhep Selimin dhe Jakup Krasniqin, duke vlerësuar se në këtë vendim është anashkaluar konteksti historik në të cilin u zhvillua lufta e Ushtrisë Çlirimtare të Kosovës.
None found
Në një postim në Facebook, Tahiri deklaroi se UÇK-ja nuk luftoi vetëm për pavarësi dhe liri, por edhe për ta mbrojtur popullin shqiptar nga dhuna, dëbimi dhe përpjekjet për zhdukjen e tij nga Kosova.
Ai kujtoi se lufta e UÇK-së kundër gjenocidit u zhvillua në një periudhë kur tragjedia e Bosnjës ishte ende e freskët. Sipas Tahirit, mospërfillja e këtij realiteti tregon se vendimi i Dhomave të Specializuara është politik dhe i padrejtë, e jo një akt drejtësie.
Tahiri theksoi se lufta e Ushtrisë Çlirimtare të Kosovës mbetet një pjesë e lavdishme e historisë së vendit dhe përfaqëson një përpjekje të drejtë për mbrojtjen e popullit, dinjitetit dhe lirisë.
Sipas tij, asnjë aktgjykim nuk mund ta zhbëjë këtë të vërtetë historike dhe as sakrificën e mijëra njerëzve.
Nënkryetari i Aleancës bëri të ditur se do të përkrahë gjithmonë çdo nismë që ka për synim lirimin e liderëve të UÇK-së, ruajtjen e vlerave të luftës çlirimtare dhe vendosjen e drejtësisë së plotë.
Në përfundim të reagimit, Tahiri kërkoi që kjo padrejtësi të korrigjohet dhe e mbylli mesazhin me shprehjen: “Jo në emrin tim!”.
Çdo i dhjeti fëmijë i moshës 12 deri në 17 vjeç është viktimë e keqpërdorimit seksual, sipas një hulumtimi të…
Sindikata e Re e Punëtorëve të Korporatës Energjetike të Kosovës (KEK) do të mbajë sot protestë para Drejtorisë së KEK-ut,…
Koalicioni i OJQ-ve për Mbrojtjen e Fëmijëve (KOMF) dhe Rrjeti i Grave të Kosovës do të mbajnë sot protestë në…
Paneli përzgjedhës për pozitën e Avokatit të Popullit do të mblidhet sot në Kuvendin e Kosovës për të shqyrtuar aplikacionet…
Kuvendi i Kosovës do të mbajë sot 2 seanca plenare, ku pritet të shqyrtohen çështje të rëndësishme. Në orën 10:00…
Këtë të enjte, një dollar amerikan, blihet për 81.6 lekë dhe shitet për 82.6 lekë. Euro, blihet me 89.8 lekë…