Më 28 tetor, Dhoma e Apelit e Gjykatës Speciale në Hagë vendosi t’ua pranojë pjesërisht kërkesën për më shumë hapësirë në njoftimet e apelit kundër aktgjykimit të shkallës së parë Hashim Thaçit, Kadri Veselit, Rexhep Selimit dhe Jakup Krasniqit.
Si rrjedhojë, mbrojtja e tyre mund të përdorë deri në 7 mijë fjalë për këto njoftime, ndonëse kufiri i zakonshëm është 3 mijë.
None found
Mbrojtësit kishin kërkuar që tavani të bëhej 9 mijë fjalë. Ata argumentuan se ndërlikimi i çështjes dhe gjatësia e aktgjykimit kërkojnë më shumë hapësirë për të shpjeguar arsyet e apelimit.
Në vendimin e saj, Dhoma mori parasysh se aktgjykimi i shkallës së parë, i publikuar më 16 shtator 2026, ka 2.089 faqe dhe është aktgjykimi më i gjatë i nxjerrë ndonjëherë nga Dhomat e Specializuara të Kosovës.
Gjyqtarët çmuan se ndërlikimi i rastit e bën të nevojshme hapësirën e mjaftueshme për paraqitjen e qartë të pretendimeve të mbrojtjes lidhur me gabimet e mundshme në aktgjykim.
Megjithatë, trupi gjykues e konsideroi të tepruar kërkesën për 9 mijë fjalë. Sipas tij, gjatësia nuk e përcakton vetvetiu cilësinë dhe efektivitetin e një ankese; rëndësi kanë qartësia dhe argumentet e paraqitura.
Dhoma sqaroi se në njoftime duhet të përcaktohen gabimet që pretendohet se përmban aktgjykimi dhe zgjidhja e kërkuar. Argumentet e hollësishme, ndërkaq, duhet të paraqiten në parashtresat e apelit.
Njoftimet e apelit duhet të dorëzohen deri më 27 nëntor.
Mykhailo Mudryk, sulmuesi ukrainas i Chelseat, i cili ka humbur pothuajse dy vjet të karrierës për shkak të një testi…
Dr. Renee Hoenderkamp, prezantuese e televizionit GB News dhe mjeke e përgjithshme në Sistemin Shëndetësor Kombëtar britanik, ka njoftuar drejtpërdrejt…
Problemi me sigurimin shëndetësor të të punësuarve në Ministrinë e Brendshme është tejkaluar dhe të gjithë të punësuarit kanë përsëri…
Një ngjarje e rëndë ka tronditur futbollin argjentinas. Abel Nunez, vetëm 18-vjeç, ka ndërruar jetë pasi pësoi një goditje të…
Ministria e Infrastrukturës dhe Transportit ka intensifikuar përgatitjet për sezonin dimëror, me qëllim të sigurimit të qarkullimit të sigurt në…
Një vajzë vetëm 6 vjeçe rezulton e zhdukur pas mbytjes së një gomoneje me emigrantë në ujërat pranë ishullit italian…