Altin Kryeziu do të varroset të hënën, familja njofton për ceremoninë

Altin Kryeziu, polici që humbi jetën disa ditë pas aksidentit të ndodhur gjatë kryerjes së detyrës, do të përcillet për në banesën e fundit të hënën, më 24 gusht.

Familja bëri të ditur se ceremonia mortore do të zhvillohet në varrezat e fshatit Bubavec, duke nisur nga ora 17:00.

“Në këtë ditë të rëndë, do t’i japim lamtumirën e fundit Altinit, djalit, policit dhe njeriut që la pas kujtime, dhimbje e respekt të pashlyeshëm.

U prehsh në paqe, Altin. Lavdi jetës dhe veprës tënde!”, thuhet në njoftimin e familjarëve.