Categories: kosovë

Aleanca: VV-ja iu nënshtrua agjendës së Listës Serbe me votimin e Tanja Vujoviqit

Kushtrim Xhemaili, zëdhënës i Aleancës, e ka cilësuar votimin e Tanja Vujoviqit, përfaqësuese e Listës Serbe, si nënkryetare të Kuvendit të Kosovës, si dëshmi të “kulmit të hipokrizisë dhe populizmit” nga pushteti.

Të lidhura

None found

Sipas Xhemailit, deputetët e Lëvizjes Vetëvendosje, të cilët në votimet e mëparshme kishin kundërshtuar disa kandidatura, në fund mbështetën Vujoviqin.

“Asgjë, bash hiç asgjë nuk e dallon Tanja Vujoviqin nga Sllavko Simiqi. Që të dy janë nën të njëjtën komandë direkte të Beogradit dhe që të dy kanë mision sabotimin e shtetësisë së Kosovës”, ka deklaruar ai.

Zëdhënësi i Aleancës është shprehur se qëndrimet e Vujoviqit ndaj institucioneve të Kosovës mund të kuptohen nga deklaratat e saj publike.

“Çdokush që kërkon në internet mund t’i gjejë deklaratat skandaloze të Vujoviqit, e cila hapur e quan Kosovën ‘Metohi’, deklaron se punon vetëm për sistemin e Serbisë dhe e krahason situatën në veri me ‘sundimin osman’”, ka shkruar Xhemaili.

Duke e krahasuar atë me Simiqin, Xhemaili ka thënë se ndryshimi mes tyre lidhet vetëm me formën e kundërshtimit të institucioneve të Kosovës.

“Dallimi i vetëm është se Simiqi i ka luftuar institucionet tona brenda Kuvendit, ndërsa Vujoviq, si dekane e strukturave ilegale, i ka luftuar ato fuqishëm edhe nga jashtë, publikisht madje”, ka thënë ai.

Xhemaili e ka akuzuar Vetëvendosjen se përmes votimit të sotëm ka treguar se nuk ka parime apo vija të kuqe politike.

“Ata i rrëzuan emrat e parë vetëm për t’u shitur ‘patriotizëm’ militantëve në rrjete sociale, përpara se të dorëzoheshin për të votuar saktësisht të njëjtën agjendë të Listës Serbe”, ka deklaruar zëdhënësi i Aleancës.

Ai ka rikthyer në fund qëndrimin e Aleancës se zhvillimet në Kuvend përbëjnë një “teatër të koordinuar” mes pushtetit dhe Listës Serbe.

“Aleanca e ka thënë qysh herët, ky teatër i koordinuar mes pushtetit dhe Listës Serbe është një maskaradë e pastër që po e mban peng dinjitetin e Republikës!”, ka përfunduar Xhemaili.

të fundit

Messi përgatit kërkesë ligjore për përdorimin e imazhit të tij nga AFA

Lionel Messi ka nisur përgatitjet për të ndërmarrë veprime ligjore kundër Federatës së Futbollit të Argjentinës (AFA), duke kërkuar që…

2 minutes ago

Wall Street në rënie para rezultateve të Nvidia-s, pasiguria për AI-në rëndon mbi aksionet teknologjike

Bursa amerikane e nisi javën me humbje, pasi aksionet e Nvidia-s dhe kompanive të tjera të teknologjisë u vunë nën…

2 minutes ago

AUV refuzon 27 tonë misër nga Serbia për shkak të nivelit të lartë të aflatoksinës

Agjencia e Ushqimit dhe Veterinarisë (AUV) ka ndaluar hyrjen në Kosovë të 27 tonëve misër me origjinë nga Serbia, pasi…

3 minutes ago

Zulfaj kritikon Brukselin: Zgjerimi i bazuar në meritë duhet të vlejë edhe për Kosovën

Jeton Zulfaj, kryenegociatori i Kosovës me Bashkimin Evropian, ka kritikuar Brukselin zyrtar për mos njohje të progresit të arritur në…

3 minutes ago

Tabaku ngre para OKB-së shqetësime për dhunën ndaj protestuesve dhe shkeljen e të drejtave

Kryetarja e Komisionit të Drejtave të Njeriut dhe Medias paraqiti shqetësimet nga vizitat në komisariate dhe në Bllokun e Sigurisë,…

6 minutes ago

Protestuesja denoncon gjobën 5 milionë lekë: Bllokova rrugën, por nuk kam mundësi ta paguaj

Një denoncim është bërë në mikrofonin e News24. Një protestuese ka thënë se ka marrë gjobë 5 milionë lekë. Ajo…

6 minutes ago