Albin Kurti zbulon emrat e kabinetit të ri qeveritar

Kryeministri i Kosovës, Albin Kurti, ka bërë publike përbërjen e re të Qeverisë, duke prezantuar emrat e ministrave dhe zëvendëskryeministrave që do të udhëheqin dikasteret ekzekutive.

Glauk Konjufca është propozuar si zëvendëskryeministër i parë dhe ministër i Punëve të Jashtme dhe Diasporës. Ndërkohë, Donika Gërvalla do të mbajë postin e zëvendëskryeministres së dytë dhe atë të ministres së Drejtësisë.

Detyra e zëvendëskryeministrit për çështjet e pakicave dhe bashkëpunimin i është ngarkuar Fikrim Damkës.

Kabineti i ri qeveritar do të përbëhet nga këta ministra:

Hekuran Murati, ministër i Financave

Andin Hoti, ministër për Punë, Familje dhe Vlera të Luftës Çlirimtare

Ejup Maqedonci, ministër i Mbrojtjes

Xhelal Sveçla, ministër i Punëve të Brendshme

Lulëzon Jagxhiu, ministër i Administratës Publike dhe Digjitalizimit

Arben Vitia, ministër i Shëndetësisë

Hajrullah Çeku, ministër i Arsimit dhe Shkencës

Saranda Bogujevci, ministre e Kulturës dhe Turizmit

Blerim Gashani, ministër i Sportit dhe Rinisë

Elbert Krasniqi, ministër i Administrimit të Pushtetit Lokal

Fitore Pacolli, ministre e Mjedisit dhe Planifikimit Hapësinor

Armend Muja, ministër i Bujqësisë, Pylltarisë dhe Zhvillimit Rural

Dimal Basha, ministër i Infrastrukturës dhe Transportit

Mimoza Kusari, ministre e Tregtisë, Industrisë dhe Inovacionit

Artane Rizvanolli, ministre e Ekonomisë

Nenad Rashiq, ministër për Komunitete dhe Kthim

Rasim Demiri, ministër për Zhvillim Rajonal