“Alarmuese”, Krasniqi pas anulimit të mbledhjes së dy qeverive: Kosova ka nevojë për Shqipërinë më shumë se kurrë

Kreu i Partisë Demokratike të Kosovës, Memli Krasniqi e ka cilësuar alarmuesve vendimin e kryeministrit Edi Rama, për të mos marrë pjesë në mbledhjen e dy qeverive të aprashikuar ditëne  mërkurë.

Me anë të një statusi në Facebook, Krasniqi shkruan se në një kohë kur të gjithë aleatët perëndimorë janë të zhgënjyer nga qeveria, Kosova ka nevojë për Shqipërinë më shumë se kurrë.

Postimi:

Alarmuese! Në kohën kur të gjithë aleatët perëndimorë janë të zhgënjyer me Qeverinë e Kosovës, ne kemi nevojë për Shqipërinë më shumë se kurrë!

Kryeministri Edi Rama ditën e sotme disa orë para mbledhjes së dy qeverive në Gjakovë mori vendimin për ta anuluar këtë mbledhje, pasi sipas tij nuk mund që të bëjnë sikur gjithçka është në rregull në Kosovë.

Rama theksoi se i kërkoi Kurtit që të ndryshonin planin për mbledhjen dhe të diskutonin mbi situatën në veri, gjë që Kurti, sipas tij, e kundërshtoi.