Categories: kosovë

Aksionet kundër kontrabandës në veri, sekuestrohen 22 automjete dhe mallra me vlerë mbi 200 mijë euro

Një operacion i përbashkët i institucioneve të sigurisë dhe drejtësisë ka çuar në zbulimin dhe ndalimin e një veprimtarie të dyshuar kontrabande, përmes së cilës mallrat silleshin nga Serbia në Kosovë nëpër rrugë ilegale në veri të vendit.

Prokuroria Themelore në Mitrovicë njoftoi se, pas disa muajsh hetime dhe ndërhyrjesh në terren, janë sekuestruar mallra me vlerë doganore mbi 200 mijë euro. Në kuadër të operacionit janë marrë edhe 22 automjete, mes tyre kamionë, furgonë, xhipa dhe vetura.

Të lidhura

None found

Mes produkteve të konfiskuara janë ushqime, pije alkoolike e joalkoolike, pije energjike, cigare, barna pa banderola, artikuj higjienikë dhe tekstile. Gjithashtu, janë gjetur veshje që mbanin marka të mbrojtura tregtare, për të cilat dyshohet se mungonin autorizimet ose licencat e nevojshme.

Gjatë aksionit janë zbuluar edhe 504 shpezë të gjalla, të cilat nuk shoqëroheshin me dokumente për origjinën dhe as me certifikata shëndetësore. Inspektori veterinar urdhëroi asgjësimin e tyre, për shkak të rrezikut të mundshëm për shëndetin e qytetarëve.

Hetimi është hapur në prill të vitit 2026. Prokuroria bëri të ditur se, duke nisur nga 24 prilli, janë zbatuar masa të veçanta hetimore me urdhër të Prokurorit të Shtetit dhe në përputhje me Kodin e Procedurës Penale.

Vetëm gjatë muajve maj-shtator janë realizuar më shumë se 20 aksione në zonat kufitare dhe në vendbanimet e komunave të Zubin Potokut, Zveçanit, Leposaviqit dhe Mitrovicës së Veriut.

Autoritetet kanë identifikuar rrugët ilegale që dyshohet se përdoreshin për futjen e mallrave nga Serbia në Kosovë. Po ashtu, janë zbuluar edhe objektet ku ngarkesat shkarkoheshin, magazinoheshin dhe më pas dërgoheshin në treg.

Sipas Prokurorisë, pjesa më e madhe e automjeteve të përdorura për këtë veprimtari ishte përshtatur për transportin e mallrave të kontrabanduara, duke u hequr ulëset e pasme. Kur konstatonin praninë e zyrtarëve policorë, drejtuesit e tyre, në shumë raste, i linin automjetet dhe largoheshin nga vendi.

Aksioni i fundit është drejtuar nga Prokurori i Shtetit dhe është zhvilluar në bashkëpunim me Policinë e Kosovës, përkatësisht me Sektorin Rajonal të Hetimeve dhe Drejtorinë Rajonale të Policisë në Mitrovicë të Veriut, Doganën e Kosovës dhe Agjencinë e Kosovës për Inteligjencë (AKI).

Dyshimet lidhen me kontrabandimin e mallrave dhe tregtinë e ndaluar. Hetimi synon të pengojë qarkullimin e produkteve që nuk kanë kaluar kontrollet doganore dhe procedurat e importit, veçanërisht ushqimeve dhe barnave, për të cilat nuk dihen origjina, kushtet e transportit e të ruajtjes dhe afati i përdorimit.

Prokuroria vlerëson se kjo veprimtari paraqet rrezik të mundshëm për shëndetin e qytetarëve, dëmton buxhetin e shtetit dhe krijon pasoja për bizneset që veprojnë në mënyrë të ligjshme.

Rasti po trajtohet për veprat penale “Kontrabandimi i mallrave”, sipas nenit 311, dhe “Tregtia e ndaluar”, sipas nenit 299 të Kodit Penal të Republikës së Kosovës.

Personat që dyshohet se janë përfshirë në këtë veprimtari tashmë janë identifikuar. Sipas Prokurorisë, hetimet ndodhen në fazën përfundimtare, ndërsa vendimet do të merren pas shqyrtimit të provave të mbledhura dhe brenda afateve të përcaktuara me ligj.

të fundit

“Kush do të duartrokasë, ka frikë nga ata që hedhin gurë”, Rama takohet me studentë e rektorë në Manastir

Kryeministri Edi Rama gjatë vizitës së tij në Manastir, në Europe House, pati edhe një takim me të rinjtë nga…

55 seconds ago

Gjykata në Hagë i ndalon BYD-së shitjen e SUV-it Ti7 në BE, pasi u konstatua se kopjon dizajnin e Land Rover Defender

Jaguar Land Rover (JLR) ka fituar një raund të rëndësishëm në betejën ligjore kundër prodhuesit kinez të veturave BYD. Gjykata…

1 minute ago

Tesla do të investojë 3 miliardë euro në Gjermani për ta kthyer fabrikën e saj në më të madhen e automjeteve në Evropë

Industria gjermane e automobilave po përballet me vështirësi të mëdha. BMW po shkurton vendet e punës, Volkswagen po shqyrton mbylljen…

11 minutes ago

Duka: Shqipëria bëri gjithçka për Grudën, por ai zgjodhi Gjermaninë

Shqipëria ka bërë gjithçka për ta bindur Brajan Grudën, por dëshira e tij gjithnjë ka qenë Gjermania, kështu ka deklaruar…

20 minutes ago

Pochettino për rrezikun e rënies së Unitedit: “Duhet ta pranojmë realitetin

Trajneri Mauricio Pochettino ka pranuar se Manchester United duhet ta përballojë realitetin e vështirë, pasi skuadra e tij pësoi humbje…

21 minutes ago

Aksident tragjik në Itali, humb jetën 31-vjeçarja shqiptare, tre fëmijë plagosen

Një 31-vjeçare me origjinë shqiptare ka humbur jetën në një aksident të rëndë automobilistik në Itali, ndërsa tre fëmijë që…

31 minutes ago