Agim Bahtiri mirëpret marrëveshjen VV–LDK dhe kandidaturën e Bekim Sejdiut për President

Deputeti i Lëvizjes Vetëvendosje, Agim Bahtiri, ka reaguar pozitivisht ndaj marrëveshjes së arritur mes VV-së dhe LDK-së, si dhe ndaj propozimit që prof. dr. Bekim Sejdiu të jetë kandidat për President të Republikës së Kosovës.

Bahtiri u ka bërë thirrje të gjitha forcave politike që, pa përjashtim, ta vendosin interesin e shtetit mbi interesat partiake dhe personale.

Ai ka deklaruar se shteti nuk i përket askujt, por përbën përgjegjësi të përbashkët për të gjithë. 🇽🇰

Deputeti i LVV-së u ka apeluar gjithashtu mediave që të mos e paraqesin realitetin në mënyrë të shtrembëruar përmes titujve tendenciozë, duke kërkuar që këtë herë t’i shërbejnë shtetit e jo dreqit.

Bahtiri ka theksuar se marrëveshja VV–LDK dhe kandidatura e prof. dr. Bekim Sejdiut për President duhet të shërbejnë si moment për një qëndrim të përbashkët të të gjitha partive politike në favor të interesit shtetëror.