Categories: kosovë

Abdixhiku kundërshton buxhetin 2027: Pa investime, ndihmat sociale nuk mjaftojnë për zhvillim

Kryetari i Lidhjes Demokratike të Kosovës, Lumir Abdixhiku, ka shprehur sot kritika të forta ndaj projektbuxhetit për vitin 2027, duke vënë në dukje se qasja e Qeverisë mbetet e fokusuar te ndihmat sociale, ndërsa ekonomisë së vendit i duhen investime që do të gjeneronin rritje dhe do të përmirësonin cilësinë e jetesës së qytetarëve.

Në seancën plenare të Kuvendit, ku po diskutohet projektbuxheti i vitit të ardhshëm, Abdixhiku pranoi se përkrahja financiare është e domosdoshme për qytetarët, megjithatë theksoi se ajo nuk përbën zgjidhje të qëndrueshme për sfidat strukturore ekonomike me të cilat përballet Kosova.

Të lidhura

None found

Ai vuri në dukje se rritja e çmimeve dhe presionet inflacioniste po e bëjnë më të vështirë jetesën e familjeve kosovare, ndërsa mungesa e investimeve po bllokon përmirësimin e mirëqenies së tyre afatgjatë.

Abdixhiku: Inflacioni dhe shtrenjtimi po vështirësojnë jetesën e qytetarëve

“Një buxhet që premton paga më të larta, shtesa për fëmijë, nevoja e njerëzve është e madhe, çdo ndihmë pritet me shpresë dhe rrethanat e tanishme kjo ndihmë është e vetmja. Shihni inflacionin e këtij viti, pastaj tregoni një familjes kosovare që pret ndihmat e shtetit, sesi mjet vetëm ndihmese i këtyre ndihmave është edhe burimi i problemeve tyre. Prandaj, e kuptoj vështirësinë e një teme si kjo në sy të publikut. Kjo e vërtetë na thotë qartë se me shtet social, me ndihma, pa investime nuk kemi për të pasur asnjëherë jetë të mirë në Kosovë, do vazhdojmë të mbesin të fundit në Evropë kështu”, deklaroi Abdixhiku.

Kreu i LDK-së paralajmëroi se varësia e vazhdueshme nga ndihmat monetare, në mungesë të investimeve të duhura, mund të krijojë një rreth vicioz ku çmimet rriten dhe nevojitet gjithnjë e më shumë mbështetje shtetërore.

Ai i bëri thirrje Qeverisë që t’i japë prioritet investimeve në sektorë me rëndësi strategjike, veçanërisht në fushën e energjisë dhe infrastrukturës, duke nënvizuar se vendi ka nevojë urgjente për projekte madhore zhvillimi.

Abdixhiku: Investimet në sektorët strategjikë duhet të jenë prioritet i Qeverisë

“Do na rriten më shumë çmimet, do kemi nevojë për më shumë ndihma për këto çmime, e këto ndihma do të rrisin përsëri çmimet. Dhe në gjithë këtë spirale ekonomike do të mbesim pa gjënë e vetme, pa investime.. Mund të bëhen dyja edhe ndihmat edhe investimet, por më shumë investime sesa ndihma. Kjo duhet të jetë politika e vendit më të varfër në Evropë. Nuk ka sektorë që nuk ka nevojë për investime drastike. Duhet të kemi investime në energji, po blejmë rrymë. Mundemi të ndërtojmë centrale të reja. Duhet të ketë investime në infrastrukturë, në rrugë. Marre e madhe për besë që ende flasim për asfalt, vetëm rrugë duhet me shtrua”, u shpreh Abdixhiku.

Projektbuxheti për vitin 2027, i cili u prezantua nga kryeministri Albin Kurti, parashikon një vlerë prej 4,27 miliardë eurosh.

të fundit

Tre zyrtare kosovare mbarojnë Akademinë Kombëtare të FBI-së, Kosova kryeson botën për numrin e të diplomuarve

Tri zyrtare nga Kosova diplomuan në Akademinë Kombëtare të FBI-së, bëri të ditur Ambasada e SHBA-së në Kosovë. Në njoftimin…

3 minutes ago

Lushtaku kritikon Qeverinë Kurti: Buxheti rritet, por qytetarët po varfërohen

Partia Demokratike e Kosovës ka kritikuar Projektbuxhetin për vitin 2027, duke vënë në pikëpyetje ndikimin e rritjes së planifikuar të…

3 minutes ago

Kamberi para deputetëve serbë: Të drejtat e shqiptarëve nuk janë lëndë pazari, as nuk këmbehen me poste

Deputeti shqiptar në Kuvendin e Serbisë, Shaip Kamberi, ka deklaruar se të drejtat dhe barazia e shqiptarëve në Luginën e…

13 minutes ago

Rama merr pjesë në samitin e “Koalicionit të Vullnetmirëve” në Berlin, flet për tryezën me Trump, Putin dhe Xi

Me ftesë të Kancelarit Federal të Gjermanisë, Friedrich Merz, Kryeministri i Shqipërisë, Edi Rama, mori pjesë sot në takimin e…

15 minutes ago

Vlora Municipality’s 2027 budget: 50 percent of funds for administrative salaries, zero investment for the water utility

Bashkia e Vlorës për vitin 2027 parashikon të ketë një buxhet rreth 82 milionë euro, ndërsa koha e shpalljes së…

22 minutes ago

Journalists’ phones confiscated on Air Force One, White House cites security reasons

Shtëpia e Bardhë konfiskoi sot telefonat e përfaqësuesve të shtypit në bordin e aeroplanit presidencial amerikan, Air Force One ,…

23 minutes ago