receta gatimi - Albeu.com

Qumësht me drithëra dhe luleshtrydhe/ Mëngjesi perfekt i çdo dite

D Marku — Fri, 09 Feb 2024 10:19:39 +0000

Receta e rekomanduar këtë mëngjes është qumësht me drithëra dhe luleshtrydhe. Kjo pjatë është tepër e thjeshtë për t’u përgatitur dhe do t’i shtojë shije vaktit tuaj Përbërësit: Qumësht 1 filxhan drithëra 1/2 filxhan me luleshtrydhe në feta Kripë Përgatitja: Në një tigan vini qumështin të ziejë. Shtoni një filxhan me drithëra dhe pasi të [...]

Pancake me krem karamel kikiriku për mëngjes!

D Marku — Wed, 31 Jan 2024 17:52:43 +0000

Receta e rekomanduar këtë mëngjes është pancake me krem karamel kikiriku. Kjo pjatë gatuhet lehtë dhe është mjaft e shijshme për gjithë familjen.

Përbërësit:

· Kikirik

· Miell

· 2 vezë

· Sheqer

· Qumësht

· Gjalpë

· Pana

· Kripë

Përgatitjet:

Fillimisht në një enë qelqi hedhim miellin, vezët, sheqerin, gjalpin dhe i rrahim, më pas i shtojmë dhe pak qumësht derisa të bëhet një masë brumi e trashë. Ndërkohë që brumi pushon pak, bëjmë pjekjen e kikirikëve dhe më pasi i bashkojmë me brumin. Më pas tek njëkohësisht përgatisim pancaket dhe krem karamelin e kripur me kikirikët. Në një tigan shtojmë brumin e pancakut për të pjekur dhe në një tenxhere hedhim sheqerin për tu shkrirë. Më pas shtojmë gjalpin, panën, kripën dhe kikirikët e pjekur. Në pjatë vendosim pancakët sipër njëri – tjetrit dhe mbi to hedhim kremin që kemi bërë më kikirikë, dhe pak sheqer pluhur. Ju bëftë mirë!

The post Pancake me krem karamel kikiriku për mëngjes! appeared first on Albeu.com.

Si të përgatisni çajin e veçantë aziatik, pastrimi i trupit pas ushqimeve të festave

XH D — Tue, 02 Jan 2024 21:35:14 +0000

Herbalistja Linda Kalasa ka ndarë në “Living Room” recetën e një çaji detoks që nuk është shumë i njohur në Shqipëri. Kombucha është një lloj çaji i fermentuar.

Përbërësit:

Për 1L ujë
-2 bustina ose 10gr çaji i zi
-kërpudha e fermentimit
-50-100 gr sheqer (në varësi të stinës)

Përgatitja:
Në 1L ujë shtojmë 2 bustina ose 10gr çaji i zi. Shtojmë sheqerin dhe hedhim kërpudhën e fermentimit.
Do ta mbulojmë me një pecetë të pastër dhe e lidhim me një llastik. Në mënyrë që të mos marri pluhura, dhe gjithashtu të nxjerrë gazrta dhe të marrë oksigjen që të fermentohet.
Nëse është kohë ngrohtë, na duhet 2-4 ditë fermentim. Ndërsa në dimër do10-12ditë të fermentohet.
Pas 10 ditësh, heqim kërpudhën e kullojmë çajin dhe është gati.

Pesë përfitime të rëndësishme shëndetësore

1. Përmirësim i tretjes

Procesi i fermentimit me koloni të gjalla bakteresh dhe tharm funksionon si probiotik dhe ndihmon në mirëmbajtjen e traktit tretës dhe trajton çrregullime të ndryshme abdominale si konstipacioni e diarreja.

2. Çtoksifikimi i trupit

Kombucha përmban acid glukuronik, çtoksifikues i fuqishëm, që lidhet me toksinat duke hyrë në mëlçi dhe i eleminon përmes veshkave. Kështu pakësohet barra e pankreasit dhe rritet mirëqenia e mëlçisë.

3. Mbajtja nën kontroll e niveleve të kolesterolit

Disa studime shkencore kanë vërtetuar se kombucha ka aftësi anti lipidemike, që pakësojnë përthithjen e kolesterolit LDL dhe triglicerideve dhe rrit nivelin e HDL në trup.

4. Nivelet e energjisë dhe gjendja mendore

Vitaminat e grupit B, veçanërisht B12-a, rrisin nivelet e energjisë dhe kontribuojnë në mirëqenien e përgjithshme mendore. Hekuri e ndihmon trupin të prodhojë më shumë qeliza të kuqe, që transportojnë oksigjenin dhe vlerat ushqyese nëpër trup.

5. Efektet kundër kancerit

Në 2014-n, Universiteti i Letonisë zbuloi se konsumimi i kobucha-s lufton infeksionet dhe sëmundjet sepse “çtoksifikon, anti-oksidon, dhe energjizon imunitetin.”

Studiuesit besojnë se DSL dhe vitamina C në kombucha mbrojnë trupin nga dëmtimi i qelizave, sëmundjet inflamatore, tumoret dhe përkeqësimi i sistemit imunitar. Një studim zbuloi se prania e acidit glukarik në kombucha pakëson rrezikun e kancerit.

The post Si të përgatisni çajin e veçantë aziatik, pastrimi i trupit pas ushqimeve të festave appeared first on Albeu.com.

4 sekrete të përgatitjes së gjelit të detit, për një shije të paharrueshme

XH D — Thu, 28 Dec 2023 19:20:54 +0000

Më mirë 2 gjela të vegjël se një të madh

Sipas ekspertëve, amvisat duhet të zgjedhin më mirë dy gjela të vegjël se një gjel të madh. Jo vetëm që gatuhen më shpejt por edhe ofrojnë sasi të bollshme e të freskëta të mishit për ditët në vijim.

Shëllira

Mishi i gjelit i marinuar me shëllirë ose ujë me kripë ka një shije më të mirë. Por kjo nuk është arsyeja e vetme. Sipas ekspertëve, uji me kripë ruan lagështinë e gjelit ndaj pjekjes dhe nuk e përthan atë. Për një gjel të madh, ekspertët rekomandojnë shkrirjen e dy filxhanë çaji kripë në tre litra ujë dhe mbajtjen e gjelit në të për 12 deri në 24 orë.

Gjalpi

Ju mund të përdorni gjalpë të butë, me ose pa erëza, për të lyer gjelin në brendësi të tij. Kur gjalpi të shkrijë, mishi i gjelit do të ketë një aromë thjesht fantastike.

Pjekja

Pjekja e gjelit të detit duhet të fillojë duke e vendosur atë me pjesën e gjoksit poshtë për rreth një orë dhe më pas kthimin në anën tjetër për pjesën e mbetur të kohës. Për të llogaritur temperaturën e duhur të mishit duhet të përdorni termometër gatimi. Ai duhet vendosur në pjesën më të trashë të kofshës dhe duhet të shënojë 76 °C që gjeli të jetë i bërë siç duhet.

I Duruari i fituari

Pasi gjeli të jetë pjekur, lëreni të qëndrojë për 20 minuta. Gjatë kësaj kohe, lëngjet do të shpërndahen në të gjithë hapësirën e gjelit dhe mishi nuk do të dalë i thatë.

The post 4 sekrete të përgatitjes së gjelit të detit, për një shije të paharrueshme appeared first on Albeu.com.

Festat e Fundvitit në tryezat tona, 3 receta të veçanta për t’i servirur gjatë këtyre ditëve

XH D — Mon, 25 Dec 2023 20:12:40 +0000

Fundi i vitit karakterizohet nga moti i ftohtë, festat dhe ushqimet e mira.

Nëse ju pëlqen gatimi, me siguri sa herë vjen kjo periudhë mendoni se çfarë mund të përgatisni ndryshe për të servirur gjatë mbledhejev me të afërm e miq.

Në këtë artikull AgroWeb.org ju këshillon tre ide recetash me të cilat do të merrni shumë komplimente këto festa.

Mjedra në Raki
Për të realizuar këtë recetë ju duhen 1 kg mjedra, 400 gr sheqer, 1 litër raki dhe 6 kavanoza të sterilizuar.

Pasi t’i lani e t’i pastroni mjedrat, futini në kavanozë njëra pas tjetrës, sheqerin dhe rakinë duke lënë një hapsirë prej 1 cm në fillim të kavanozit.

Mbyllini hermetikisht, vendosini në një tenxhere të madhe të mbushur me ujë dy e nga dy , mbulojini me kapak dhe zijejini për 10 minuta.

Më pas lërini të ftohen dhe ruajini në një vend të errët derisa t’i shërbeni në formën e lëngut, shoqëruar me disa kokrra mjedre.

Bonbone me Çokollatë
Për të përgatitur këtë recetë ju duhen rreth 25 biskota të vogla me kakao, 1 lugë gjelle çokokrem ose çokollatë e shkrirë, 1 lugë gjelle djathë mascarpone.

Grini biskotat në misket dhe kur të enë pluhur hidhini në një enë dhe shtoni nutellën bashkë me mascarponen.

Përzieni mirë me lugë derisa të formoni një lloj brumi dhe merrni copëza të vogla me duar për të formuar toptha të vegjël.

Vendosini në një tavëdhe futini në firgorifer për 1 orë.

Kur t’i nxirrni zhytini sërish në Nutella ose cokollatë të shkrirë dhe lërini në frigorifer derisa çokollata të forcohet.

Sipas dëshirës mund të shtoni edhe përbërës të tjerë sipër si kakao apo grimca arre kokosi.

Fruta të Thata me Erëza
Për këtë recetë ju duhen 80 gr arra, 80 gr bajamë, 80 gr lajthi, fara luledielli, kungulli apo lloje të tjera arrorësh që preferoni.

Gjithashtu edhe 3 të verdha vezësh, 2 lugë gjelle mjaltë, 1 lugë gjelle miks erëzash, 1 lugë gjelle fara speci djegës.

Ndizni furrën ë temperaturën 180 gradë dhe bëni gati një tavë të shtruar me letër pjekje.

Ndërkohë në një enë shtoni të bardhat e vezëve dhe përziejini me rrahës elektrik derisa të formohet shkuma e tyre.

Shtoni mjaltin dhe përzieni sërish derisa të bahskohen.

Të gjithë përbërësit e tjerë futini në një qese plastike me mbyllje dhe erëza dhe tundini të gjithë bashkë.

Në këtë mënyrë do të marrin shijen e erëzave dhe në fund hidhini tek vezët e rrahura që përgatitët më parë dhe përzieni.

Përhapini me lugë tek tava e pjekjes duke i shtruar mirë dhe futini të piqen për 10 minuta.

Hidhini sërish sipër pak mjaltë dhe tundini pak po aty në tavë, e më pas futini të piqen për 10-15 minuta të tjera derisa të marrin ngjyrë të artë.

Kujdes që të mos ju digjen dhe lërini të ftohen para se t’i konsumoni apo servirni.

The post Festat e Fundvitit në tryezat tona, 3 receta të veçanta për t’i servirur gjatë këtyre ditëve appeared first on Albeu.com.

Si të zgjidhni arrat e duhura për bakllavanë e Vitit të Ri

XH D — Mon, 25 Dec 2023 18:34:51 +0000

Arrat janë burim i pasur i acideve yndyrore omega-3, tejet të rëndësishme për një jetë të shëndetshme. Ato ofrojnë vitamina, minerale dhe shumë përfitime për organizmin.

Arrat janë pjesë e pandashme e traditës së gatimit në ndërrimin e viteve. Ato janë edhe fatsjellëse.

Si të zgjidhni arrat e duhura për bakllavanë

Tregjet dhe rrugët janë të mbushura plot me shitës ambulantë që shesin thasë plot e për plot me arra, me premtimin se ato janë më të mirat. Kudo që t’i blini, këshillohet që të jemi të kujdesshëm në blerjen e arrave.

Sipas tyre, si fillim duhet të vëzhgojmë lëvozhgën e arrave. Ajo duhet të jetë e plotë, të përçojë aromën dhe mbi të gjitha të mos ketë shenja myku.

Në brendësi, arra duhet të jetë e fryrë, e bollshme, jo e rrudhur por me një ngjyrë të çelët. Arra në brendësi nuk duhet të jetë shumëngjyrëshe ose me nuanca.

Përkundrazi, ngjyra e arrës duhet të jetë e zbehtë, e artë dhe homogjene. Në momentin që pastron arrën nga lëvozhga, prej saj nuk duhet të dalë pluhur.

Nëse arra ka një aromë specifike të vjetër, atëherë nuk është e freskët por e vitit të shkuar. Arrat e vjetra mbajnë ngjyrë të verdhë të çelët dhe nuk duhen blerë.

Mesorja e arrave duhet të jetë e plotë. Nëse arra është vjetër, mjafton ta tundni pranë veshit. Nëse dalloni një zhurmë të fortë si bubullimë, atëherë arra është e vjetër.

Arra që është e freskët, ndahet dhe çahet më me vështirësi.

Një tjetër aspekt ndaj të cilit duhet të tregoni kujdes është thatësira. Arra e mirë dhe e freskët nuk duhet të ketë lagështi brenda saj apo mbi lëvozhgë.

Pas blerjes, arrat duhet t’i ruani në një vend të thatë, të errët dhe mundësisht në ngrirje.

The post Si të zgjidhni arrat e duhura për bakllavanë e Vitit të Ri appeared first on Albeu.com.

Ëmbëlsira e Krishtlindjeve, origjina e panetones dhe receta si ta gatuani në shtëpi

A M — Fri, 15 Dec 2023 18:53:12 +0000

Panetonia është ëmbëlsira më e preferuar e Krishtlindjeve. Megjithëse është ëmbëlsirë italiane edhe ne e kemi përqafuar si ide, që ëmbëlsira karakteristike e Krishtlindjeve është ajo.

Por si lindi kjo ëmbëlsirë?
Panetone lindi në Milano dhe origjina e saj daton nga shekulli i XIV. Panetone tradicionale e Milanos është ajo e gjata, por ekziston edhe varianti i shkurtër dhe i gjerë, i cili është përhapur më së shumti në Piemonte. Panetone tipike e traditës milaneze, e cila konsiston në gatimin e saj me dorë, është një produkt furre, me përbërës natyralë për ardhjen e brumit dhe ka një formë tipike cilindrike të marrë nga “letra e furrës”, e cila ngjitet derisa produkti të përfundojë. Ëmbëlsira përfaqëson një strukturë të butë dhe një aromë tipike të fermentuesve si soda e bukës. Panetone tipike e traditës artizanale milaneze gatuhet me ujë, miell, gjalpë, vezë (ose vetëm të verdhat e vezëve), por mund të shtohen edhe copa të prera të frutave të freskëta, lëkurë portokalli ose qitroje.

Ja si të përgatisni panetone vetë në shtëpi:
Përbërësit:
1 kg fruta të thata të përziera si rrush, qershi, portokall, kumbull, kajsi, mollë etj.
1 gotë lëng portokalli
1 gotë lëng limoni
150 ml konjak ose rum
250 gr gjalp i shkrirë
200 gr sheqer ngjyrë kafe (ose të bardhë)
175 gr miell
100 gr bajame të prera në feta të holla
½ lugë pluhur pjekje
1 lugë kanellë
1 majë luge karafil pluhur
4 vezë të mëdha
1 lugë ekstrakt vanilje

Në një tigan me zjarr të ngadaltë hidhni konjakun ose rumin, gjalpin, frutat e thata dhe sheqerin, lërini të ziejnë për 5 minuta. Më pas hidheni masën e krijuar në një tas të madh dhe lëreni të ftohet në temperaturën e ambientit për 30 minuta. Pasi masa të jetë ftohur hidhni me ngadalë miellin, pluhurin e pjekjes, lëngun e limonit, lëngun e portokallit, kanellën, karafinin, vaniljen dhe vezët, të gjithë përbërësit përziejni sëbashku derisa të formohet një miell i butë dhe elastik. Merrni një enë të rrumbullakët në formën e kekut dhe lyejeni me gjalp dhe hidheni brumin. Sipër brumit shtoni bajamet e prera në feta të holla. Futeni panetonen të piqet për 25 minuta në temperaturën 180 gradë.

The post Ëmbëlsira e Krishtlindjeve, origjina e panetones dhe receta si ta gatuani në shtëpi appeared first on Albeu.com.

Mjeku Alimehmeti thirrje prindërve: Lodrat shumëngjyrëshe përmbajnë plumb, pasojat tek fëmijët

A M — Fri, 08 Dec 2023 17:56:31 +0000

Dhjetori ka ardhur, por nëse doni të blini dhurata për të vegjlit tuaj, ju sugjerojmë të keni parasysh këto këshilla nga epidemiologu, Ilir Alimehmeti.

Në emisionin “Rudina” në Tv Klan, ai shpjegon se lodrat shumëngjyrëshe dhe me shkëlqim vezullues mund të jenë të dëmshme për fëmijët, për shkak të nivelit të plumbit që mbartin.

Epidemiologu u shpreh gjithashtu se plumbi nuk mund të gjendet vetëm në bojërat e lodrave, por edhe tek ajo e murit, në shtëpi.

“Plumbi nuk është ndonjë problem i madh po të jemi në kontakt fizik, problem i madh i plumbit është nëse futet nga goja ose nga rrugët e frymëmarrje. Pra, ky është momenti kryesor dhe goja është pjesa kryesore. Kush janë kryesorët, ata që fusin çdo gjë në gojë, çdo gjë që prekin me duar të pista, janë gjithmonë fëmijët e vegjël dhe problemi është gjithmonë në këto grupmosha. Sepse janë më të paqartë se çfarë bëjnë. Boja, përfshirë edhe boja e mureve, jo thjesht boja e lodrave, është produkt i cili shpeshherë përmban plumb. Këtu duhet patur një kujdes i veçantë. Shumë shtete kanë legjislacionet, por në Shqipëri ne na mungon një legjislacion i tillë. Për shembull, për bojën e murit, legjislacioni është një VKM e para e 20 vjetëve. Fiks e Dhjetorit të 2003-shit, kështu që bëjnë 20 vjet rrumbullak” – tha Ilir Alimehmeti.

Ai u shpreh se plumbi shkakton pasoja të rënda, sidomos tek fëmijët.

“Pasojat janë të shumta, por janë më të rënda tek fëmijët e vegjël sepse shkaktojnë çdo lloj problemi në çdo lloj sistemi. Por ato që ndoshta mund të shfaqen më herët dhe ato që bien në sy më shumë është një lloj prapambetjeje. Prapambetje në zhvillimin psikik, në zhvillimin mendor, në zhvillimin fizik e më pas nesër fillojnë dalin edhe probleme të ndryshme të sistemeve të ndryshme organike. Plumbi duke qenë një metal, si çdo metal, në momentin që hynë në trup, trupi jonë nuk ka një mekanizëm për ta nxjerrë këtë metal jashtë dhe ky depozitohet. Sidomos tek fëmijët jo të ushqyer mirë, kur ka mungesë përthithjesh të materialeve tjera, apo kalciumit për shembull, magnezit e me radhë. Kur ka mungesa të tyre, atëherë trupi kompenson duke thithur më shumë metale të rënda, në këtë rast plumbi. Kështu që ka një risk akoma edhe më të shtuar tek këta fëmijë. Depozitohet përgjithësisht në kocka. Nesër po qe femër, është shtatzënë, rimobilizohet ky material për fëmijën nesër tek barku. Pra, është një diskutim që vazhdon shumë gjatë, nuk është vetëm një moment” – përfundon epidemiologu.

The post Mjeku Alimehmeti thirrje prindërve: Lodrat shumëngjyrëshe përmbajnë plumb, pasojat tek fëmijët appeared first on Albeu.com.

Receta/ Çfarë do të ishte më e mirë se kjo supë me gështenja për fundjavat tuaj

A M — Sat, 28 Oct 2023 10:47:45 +0000

Gështenjat përgjithësisht na kujtojmë se festat e fundvitit po afrojnë. Praktikisht, periudha më e bukur e vitit! Recetat ku mund ti përdorim gështenjat janë të shumta, por ne po ju sjellim sot një shumë të thjeshtë të supës.

INGREDIENTËT
250 gr qiqra
200 gr gështenja
100 gr domate
4 feta bukë
4 lugë gjelle vaj ulliri
1 thelpi hudhër
1 tufë majdanoz
Kripë
Piper

UDHËZIMET
1.Grini hudhrën dhe majdanozin dhe i hidhni në vaj të ngrohtë në temperaturë të ulët.

2.Shtoni gështenjat dhe i lini të skuqen për pak minuta.

3.Më pas hidhni tulin e domates , qiqrat, pak kripë e piper.

4.Pas pesë minutash, shtoni rreth 2 kile ujë për të zierë qiqrat.

5.Pasi ka përfunduar zierja hiqni supën dhe e vendosni në frigorifer të mbuluar.

6.Në momentin e fundit ngroheni supën në temperaturë të ulët.

7.E shoqëroni me bukë të thekur dhe nëse ju pëlqen edhe me djathë grana.

The post Receta/ Çfarë do të ishte më e mirë se kjo supë me gështenja për fundjavat tuaj appeared first on Albeu.com.

Ju ka shkuar mendja? Si të gatuani Gurabije 5 lekëshe si gjyshet tona

A M — Sun, 24 Sep 2023 10:29:53 +0000

Sa prej jush kanë mallë dhe bëhen herë pas here nostalgjik duke kujtuar kohët e vjetra e mes tyre edhe ushqimet e gjyshërve. Duket sikur nuk do t’i shijomë dot më asnjëherë, por kjo jo për gurabijet 5 lekëshe.

Nëse jeni bërë nostalgjik dhe ju ka shkuar mendja për Gurabije 5 lekëshe këtu gjeni recetën.

Përbërësit:

-400 gr gjalpe ose margarine ne temperature ambienti,

-9 ose 10 luge sheqer gjelle,

-3 filxhane niseshte,

-esence vaniljeje,

-2 filxhane miell,

-1/2 filxhan sheqer pluhur.

(filxhana kafeje dhe luge gjelle)

Përgatitja:

Ne nje tas te bollshem, rrahim gjalpin apo margarinen e bute me sheqerin pluhur dhe sheqerin normal. Shtojme dale ngadale niseshtene dhe e trazojme akoma qe te behet homogjene. Hedhim brenda esencen e vaniljes e shtojme pak nga pak miellin derisa te krijohet nje brum i bute.Nuk duhet perdorur miell me teper se c’duhet, pasi na krijon veshtiresi ne dhenien e formes por edhe ne shije.
E veme te forcohet ne frigorifer per te pakten 40 minuta.E marrim pjese pjese dhe duke e rrotulluar mbi tavoline, i japim forme bastuni me trashesi sa gishti i madh, dhe i presim ne diagonal, ( kini parasysh ato qe hanim me aq qejf dikur). Me ndihmen e pirunit, siper bejme viza ne menyre delikate. Pasi mbarojme gjithe brumin keshtu, i veme ne tave mbi leter furre dhe i pjekim ne furre te ngrohte ne 160° per rreth 25-30 minuta e megjithate, derisa nga poshte te kene marre pak ngjyre, por siper duhet te jene te bardha. Lerini te ftohen para se ti hiqni nga tava e sipas deshires, sperkatini me sheqer pluhur.

Ps. filxhana kafeje dhe luge gjelle

The post Ju ka shkuar mendja? Si të gatuani Gurabije 5 lekëshe si gjyshet tona appeared first on Albeu.com.