Mësuesi që përdor platformën +18 për të dhënë leksione matematike

Disa mësues zgjedhin të dalin nga metodat e zakonshme të të mësuarit, vetëm për ta bërë  një përvojë argëtuese dhe gjithëpërfshirëse për nxënësit e tyre, por ky mësues nga Tajvani ka një mënyrë të pazakontë.

Changhsu, një mësues matematike, filloi të ngarkonte video të leksioneve të matematikës në PornHub, një faqe interneti videosh për të rritur, dhe tani po fiton 250,000 dollarë në vit. Vulgar apo kreativ? Vendoseni ju!

Me një diplomë master në matematikë, Changhsu ka dhënë mësim në shkolla në Tajvan për më shumë se 15 vjet. Ai filloi me YouTube, por shpejt vuri re se PornHub nuk kishte video me mësime matematike (padyshim!) dhe për këtë arsye vendosi të ndërrojë platformën.

“Meqenëse shumë pak njerëz mësojnë matematikë në platformat e videove për të rritur, dhe duke qenë se ka kaq shumë njerëz që shikojnë video aty, mendova se nëse i ngarkoja videot atje, shumë njerëz do t’i shihnin ato,” tha ai në një intervistë.

Faqja e tij në PornHub tani është verifikuar dhe ai beson se pothuajse 60% e ndjekësve, i shikojnë videot e tij si një shaka. Kjo nuk e shqetëson shumë, pasi ai e di se ende po njihet gjerësisht si ‘mësuesi që mësonmatematikë në një platformë videosh për të rritur’.