Tragjedia me 6 viktima në Athinë, reagon Ministria e Jashtme e Shqipërisë: Ndajmë pikëllimin e familjeve të prekura

Ministria për Europën dhe Punët e Jashtme ka reaguar pas shpërthimit tragjik të ndodhur në Athinë, ku humbën jetën 6 persona, 3 prej të cilëve shqiptarë. Përmes një postimi në rrjetet sociale, Ministria e Jashtme ka shprehur ngushëllimet për familjarët e viktimave.

Më tej, ajo u uroi shërim të shpejtë të plagosurve, ndërsa theksoi se kjo tragjedi e prek nga afër Shqipërinë. Në fund, Ministria për Europën dhe Punët e Jashtme shprehu solidaritetin me familjet e prekura dhe me popullin grek.

Regimi i Ministrisë për Europën dhe Punët e Jashtme:

Jemi thellësisht të pikëlluar nga humbja tragjike e jetëve pas shpërthimit dhe shembjes së ndërtesës në Athinë, me raportime se tre persona me origjinë shqiptare janë midis viktimave. U shprehim ngushëllimet tona të sinqerta familjeve dhe të dashurve të të gjithë atyre që humbën jetën. Mendimet tona janë me ta në pikëllimin e tyre dhe u urojmë të plagosurve shërim të shpejtë dhe të plotë. Kjo tragjedi e prek nga afër Shqipërinë. Ne ndajmë pikëllimin e familjeve të prekura dhe shprehim solidaritetin tonë me fqinjët tanë grekë dhe popullin amerikan