Zidan nuk duron më: Duket sikur i fitojmë ndeshjet vetëm prej gjyqtarëve (VIDEO)

Zinedin Zidan duket se është mërzitur duke dëgjuar pas çdo ndeshje se skuadra e tij po fiton këtë titull kampion vetëm falë penalltive dhe dhuratave që i vijnë nga xhaketat e zeza.

Një penallti e diskutueshme ishte ajo që i dha suksesin sot ndaj Atletik Bilbaos dhe për Zidan, pyetjet e përjavshme janë bërë bezdisëse, siç pranoi vetë pas ndeshjes.

“Jam i bezdisur pasi në fund thuhet gjithmonë e njëjta gjë, duket sikur ne fitojmë ndeshjet vetëm për shkak të gjyqtarëve. Nuk është ashtu, ne fitojmë në fushë dhe duhet ta respektoni këtë, duhet të repsektoni atë që lojtarët po bëjnë në fushë. E di që nuk do të ndryshojë, por ju them ndjesitë tona. Ne po luftojmë në çdo ndeshje, mendoj se si gjithmonë gjyqtari ka shkuar të shohë aksionin dhe e vërshëlleu penallti sepse ishte penallti”, deklaroi tekniku i madrilenëve.

Ndërkaq, ai kishte lëvdata për Ramos, i cili është kthyer në një prej golashënuesve më të mirë të Realit në këtë sezon. “Penalltitë e Ramos? Ai është një specialist, ndalet dhe stërvitet për to në çdo seancë stërvitore dhe ky është një plus më shumë për ne”, tha Zidan.