Gjashtë personat e akuzuar në mesin e tyre hetues policorë, për përfshirje të drejtpërdrejtë në organizimin e vrasjes së Oliver Ivanoviqit kanë dalë para Gjykatës Themelore këtë të martë në Prishtinë.
Të akuzuarit: Nedelko Spasojeviq, Marko Rosiq, Rade Basara, Silvana Arsoviq, Dragisha Markoviq dhe Zharko Jovanoviq nuk e kanë pranuar fajësinë për përfshirje në vrasjen e ish-liderit serb, raporton KTV.
Jovanoviq dhe Spasojeviq e pranuan fajësinë vetëm për përdorim të paautorizuar të armëve, por jo edhe për vrasje.
Sipas Prokurorisë, të akuzuarit ishin pjesë e një grupi kriminal të udhëhequr nga Zvonko Veselinoviq dhe Milan Radoiqiq, të cilët vazhdojnë të jenë në arrati bashkë me Zhelko Bojiqin.
Aktakuza, e cila u ndryshua në dhjetor të 2019-s u lexua edhe në gjuhën serbe.
Sipas Prokurorisë, veprimet e grupit kishin për qëllim realizimin e përfitimeve financiare, si dhe rritjen e ndikimit të tyre politik në Mitrovicë të Veriut.
Sipas aktakuzës, hetuesi policor, Rade Basara, kishte keqpërdorur autoritetin zyrtar pasi nga pozita e tij kishte ndihmuar në fshehjen e provave, për çka akuzohet edhe Nedelko Spasojeviq.
Sipas Prokurorisë, në planifikimin e vrasjes së Ivanoviqit ka qenë edhe administratorja e zyrës së Ivanoviqit, e cila kishte qenë në njohuri për fikjen e kamerave të sigurisë, si dhe aktivizimin e tyre pak minuta pas vrasjes.
Ndërkohë, në seancën e shqyrtimit fillestar mbrojtja e Marko Roshiqit dhe Nedelko Spasojeviqit kanë kërkuar që të ndërpritet masa e paraburgimit ndaj tyre.
Mbrojtësit e të akuzuarve kanë kundërshtuar aktakuzën, sepse sipas tyre nuk përmban vendin e kryerjes së krimit, kohën dhe mjetet e kryerjes, duke kërkuar kthimin e saj për përmirësim.
Oliver Ivanoviq u ekzekutua më 16 janar të vitit 2018 para selisë së partisë së tij në Mitrovicën e Veriut.
Aktualisht, Shqipëria vijon të ruajë një avantazh konkurrues për sa u përket çmimeve të një vakti të zakonshëm në restorant.…
Mbrëmjen e djeshme, gazetarja e njohur Klodiana Lala, ka ndarë të tjera detaje nga hetimet për kryebashkiakun e arrestuar të…
Ditën e sotme, përmirësohen ndjeshëm kushtet atmosferike në territorin shqiptar, duke bërë që deri në mesditë pjesa më e madhe…
Këngëtari i njohur, Blerim Muharremi, i njohur si Blero, po përballet me një situatë të vështirë shëndetësore që ka shqetësuar…
Asambleja Kombëtare e Partisë Socialiste ka gjithmonë elementë surprizë, sidimos sa u përket emrave të propozuar për ministra nga kryeministri…
Dashi Të lindur më: 21 Mars - 19 Prill Në dashuri, sot mund të ndiheni më të hapur për të…