ZYRTARE/ Zbulohet data e ndeshjes së rradhës së Khabib

Tashmë është zyrtare. Pas shumë muajsh pritje të gjithë fansat e UFC do të kenë mundësi të ndjekin në ring magjitë që ofron kampioni i botës në këtë sport Khabib Nurmgomedov i cili do të ndeshet sërish në muajin tetor.

Lajmin e ka konfirmuar presidenti i Ligës, Dana White, i cili deklaron se ndeshja do të zhvillohet në 24 tetor. Ai nuk e ka zbuluar ende se ku do të zhvillohet përballja e shumëpritur. Kundërshtari i rusit pritet të jetë Justin Gaethje dhe në një duel si ky emocionet nuk priten të mungojnë. Në lajmërimin e bërë, White premton spektakël si dhe tregon se tashmë ka ardhur koha për rikthimin e Khabib.

“Ka qenë një periudhë shumë e vështirë për Khabib. Babai i tij ishte si një hero për të dhe e di që kishte një marrëdhenie shumë të ngushtë. Ndeshja do të zhvillohet dhe kjo është e sigurt, thjesht duhet të presim dhe pak,” deklaron Dana për “CNN”.

Kujtojmë që pak javë më parë Khabib humbi babain e tij për shkak të koronavirusit. Gjithashtu boksieri rus kishte një ndeshje në fillim të vitit me Tony Fergusonin për të mbrojtur titullin, që gjithashtu u shty për shkak të pandemisë botërore, gjithsesi e rëndësishme është që Khabib do të kthehet në ring në muajin tetor edhe pse kundërshtari nuk dihet ende.