Zidane tregon stadiumin ku do t’i luajë ndeshjet Reali këtë sezon

Trajneri i Real Madridit, Zinedine Zidane këmbëngul se skuadra e tij nuk do të pësojë asnjë ndikim negativ kur luan në stadiumin Alfredo Di Stefano, shtëpia e zakonshme e ekipit të dytë Castilla.

Los Blancos do të luajnë ndeshjet e tyre të mbetura në shtëpi këtë sezon në terrenin i cili zakonisht është i rezervuar për ekipin e tyre B, aty ku Zidane filloi karrierën e tij të re si trajner.

Reali nuk do të luajë në shtëpinë e tyre në Santiago Bernabeu për pjesën e mbetur të sezonit për shkak të punës në ristrukturimin masiv në stadium, përfshirë heqjen dhe ri-transformimin e fushës.

“Di Stefano është stadiumi ynë”, ka thënë fillimisht Zidane për ESPN.

“Është e vërtetë që jemi mësuar të luajmë në Bernabeu, por do të adaptohemi”.

“Ne kemi stërvitur atje, matjet janë të njëjta, kështu që jemi gati të luajmë në stadiumin Di Stefano”, përfundoi trajneri i Realit.

Të mërkurën, presidenti i Atletico Madridit, Enrique Cerezo kishte thënë që klubi i tyre është i gatshëm të pranojë Realin nëse ata duan të luajnë në Wanda Metropolitano.