Ylli i Ajax ka një marrëveshje me Realin, United gati të hyjë në mes

Real Madrid mbylli një marrëveshje me mesfushorin e Ajaxit, Donny van de Beek muaj më parë, megjithatë Manchester United po mundohet ta thyejë atë me një ofertë të fundit.

Van de Beek priste të bënte transferimin në kryeqytetin spanjoll verën e kaluar, por duke pasur parasysh që Real Madrid nuk ishte në gjendje të shiste James Rodriguez dhe Gareth Bale, atij iu tha se do të duhet të qëndrojë në Amsterdam për një sezon më shumë.

Lajmi vjen nga Hollanda, që gjithashtu thotë se nëse United do të jetë i suksesshëm në nënshkrimin e Van de Beek, ata mund ta bënin këtë vetëm nëse Real Madrid vendosi të heqë dorë nga marrëveshja e tyre me lojtarin.

Ylli i Ajax ka shënuar 10 gola dhe ka siguruar 11 asistime këtë sezon, duke dëshmuar se viti i kaluar nuk ishte thjesht rastësi. Aftësia e 22-vjeçarit për të shtyrë përpara nga mesfusha e ka bërë atë një nga lojtarët më të lakmuar në Evropë.

United e kupton që do të jetë e vështirë të nënshkruajë me holandezin për shkak të kësaj marrëveshje paraprake me Real Madridin, por ata do të përpiqen megjithëkëtë. Përfundimisht, e ardhmja e Van de Beek tani është në duart e Real Madrid.

Nëse ata vendosin se nuk duan më ta transferojnë, United do të jetë në gjendje të shkojë përpara me një marrëveshje me Ajax.